稻香 @ 九龍灣 ( 10-sep-2011 )

( 10-sep-2011 sat )
今朝同家姐去麥記食早餐   本來尋晚約埋媽咪去飲茶   不過媽咪驚朝早落雨   同埋想家姐瞓晏 d   所以最後取消   點知家姐尋晚打幾次黎話約咗唔去唔知點咁   又問我幾次如果自己食早餐幾點起身   同佢地食又幾點起身   又問我一個人食悶唔悶   問九萬幾樣嘢   所以我覺得佢想同我食囉   不過又驚我特登要早起身   但其實我都無所謂嘅   所以臨瞓前再約去佢想食咩囉   最後佢話麥記   所以就食麥記喇 ~

食到 8 點半就走 lu   9 點番到菇場   估唔到 d 同事都番得 7788   因為平時如果老闆 off   好多人都好遲番   好小見咁早有同事番囉 ~
晏晝無啦啦超勁想食牛什河   所以就約里奧大人去茶餐廳喇   再同里奧大人 share 珍珠奶茶   突然覺得個肚好似想爆咁呀 所以食完去德福行下   估唔到無心去行街   反而有收穫   真係次次都係咁呢 ~

番到屋企坐陣就要出發去稻香喇   同里奧大人屋企人做節   限時個半鐘   6 點至 7 點半   我地無叫套餐   就咁叫餸食飯咋   樣樣細細碟咁   不過過時過節食飯就預咗囉   食完就各自歸家 lu ~