( 7-sep-2011 wed )尋晚 10 點半喺廳度睇睇下電視就瞓着咗 差唔多 11 點幾 里奧大人就叫我入房瞓 但入到房又唔會即刻瞓到架喎 oh no ~今朝超勁想瞓多 10 分鐘 但都係費事喇 唔想好趕咁食早餐 又唔想遲到呀 ~嘩 今朝 d 時間過得好慢咁呀 同 8 卦 m 咗好耐都係 10 點幾 ~
幾咁辛苦眼瞓先等到 lunch time 呀 今日有 lunch box 不過尋晚 d 雞原來好油 整到 d 飯都好多油 又林哂 唉 ~個人真係忽冷忽熱咁 應該係作感冒 咁打比里奧大人問佢今日係咪要見客 唔係就想佢早 d 番 因為我想早 d 食飯休息 之後佢叫我飲杯 Hot Lemon 飲完又好 d 喎 ~依家生果舖無得買車厘茄呀 因為中秋節要做果藍 買貴生果 無理由擺 d 賺得咁小錢嘅車厘茄 阻住哂 d 位呢 ~ 終於放工啦 無咁唔舒服 所以就決定煮飯 去到百佳想買雞翼居然無喎 想買蕃茄又覺得 2 個要 $ 10 好貴唔抵 咁里奧大人又想食 d 酸酸咪咪嘢 所以最後買咗支有機蕃茄香草意粉醬同埋熱浪薯片番屋企喇 ~里奧大人知我唔多舒服 所以 7 點半就喺大陸開始番黎 算佢啦 ~是日懶餐 - 蕃茄蜆肉腸仔長通粉 + 豬腳薑醋蕃茄蜆肉腸仔長通粉 - 我覺得蕃茄醬係無味 所以次次起碼要大半樽先有味 仲要自己加 d 茄汁 鹽 豉油先得喎 今次呢樽都唔例外呢 我覺得煮有蕃茄嘅食物都好開心 煮完出黎好 colorful 真係唔好睇都好食 更何況係好食呢 嘩哈哈哈 ~豬腳薑醋 - 我覺得媽咪知我想食 就成日話自己想食 所以整咗先話我知囉 迫我要嘛 不過依家食下都好嘅 補補身 媽咪今次用 "同珍" 嘅甜醋 估唔到都好好味喎 ~今晚真邪啦 因為我唔想開包新嘅長通粉 所以煮半包 咁其實係唔夠我同里奧大人食 + 我嘅 lunch box 嘅 所以我就食豬腳薑再加薯片 食剩差唔多 20 塊 實在食唔落 因為真係好油 開始想反胃 咁我就放入食物柜嘅最入面 里奧大人食食下飯好奸笑拎住包薯片咁問點解咁 我就咁笑 問佢包薯片係咪跌咗出黎 佢話唔係 咁啱望下就見到 之後佢都食埋剩番果 d 真係丫 平時真係好日唔望個食物柜 無啦啦今晚偷食先望喎 邪到不得可了呀 ~
沒有留言:
發佈留言