住家飯 @ 媽咪屋企 ( 22-sep-2011 )

金錢雞 ( 得龍 )

三文魚刺身 ( 家姐買嘅 )蒸石斑仔 炒菜心椰子雪耳紅蘿蔔豬骨湯馬來西亞木瓜

( 22-sep-2011 thu )
今朝 7 點 55 分出門口   差唔多 8 點到巴士站   咁就最 fit   因為 8 點 05 分會有車   點知去到無哂人等   咁應該走咗班車   咁好啦   早咗 5 分鐘走   咁 13-15 分鐘有一班車   即係 8 時 15 分會有一班車啦   點知我等到 23 分先有車   忍唔住打去九巴熱線投訴呀   因為 d 班次實在太唔準啦   又唔係塞車   又唔係爆水管   又唔係整路   成鬼日都 miss 咗班車   咁妳不如寫明 20 分鐘一班車   咁我就自己預時間嘛   真係離哂大譜   依家等緊佢地點覆我先 ~
唉   明明預好哂時間食早餐   依家又要好趕咁食   好在菇場唔駛打卡   不過依家真係好唔想遲到囉 ~


晏晝有 lunch box   我只係帶番尋晚嘅滾湯薯仔 雞  薑蓉同腐皮卷   點知我叮完   多油到呢   我估係鐘點用好多油黎整薑蓉   唔怪之得我呢兩次食完佢整嘅雞都會覺得好滯   因為我食好多薑蓉嘛   唉   下次叫佢磨薑 + 切蔥粒   我自己爆香算喇   我實在好難接受咁多油呀 ~

同朋友 msn   無啦啦又講起 d 時間過得好快   係真架喎   明明上星期六先講會點執嘢   眨下眼已經星期三   過多兩日又星期六喇   不過另一個朋友就話因為充實   所以 d 時間會過得好快   咁又係嘅   唔充實會覺得渡日如年嘛 ~
今晚番屋企食飯喇   依家里奧大人成日上大陸   都番唔到媽咪屋企食飯   所以我多數自己番去   雖然嫁咗人   但都要抽時間陪媽咪食飯呢 ~

因為我要清沙律   所以叫埋家姐落黎食喇   之後里奧大人都番到屋企   突然覺得好熱鬧咁呀 ~