韭菜豬肉雲吞 ( 12-sep-2011 )

( 12-sep-2012 mon )

里奧大人今朝 4 點起咗身   我以為佢去洗手間   原來係開電腦做公司嘢   我話駛唔駛咁急   佢話要喎   因為佢唔記得整嘢比阿 Head   佢阿 Head 聽日出 Trip   所以一定要番公前整喎   咁我仲諗住自己瞓得番添   不過一個人瞓又好凍喎   瞓得超差呀   之後里奧大人好似 7 點番番入黎瞓   我平時 7點 半起身   但瞓得太差喇   所以 7 點 45 分先起身 ~
我平時朝早會沖涼洗頭先番工   如果我沖涼時候覺得沖極都凍   就代表個人唔多舒服喇 ~
遲咗 15 分鐘起身   所以樣樣都要快手快腳喇   好在一落車附近都有好多茶餐廳   不過最快都係麥記囉   同埋飲唔哂杯咖啡可以拎走   而唔駛加多 $1 呢 ~


我差唔多走嘅時候   有個女仔坐埋黎   將自己早餐嘅托盤放喺之前果個人嘅托盤上面   嘩   我覺得好嘔心呀   之前果個人嘅托盤有奶茶漬嘅紙巾又有麵包皮   點可能就咁擺上去架   叫人收咗去又或者自己拎開去啦   之後佢仲食得好滋味咁   救命呀 ~
番到菇場第一件事係 check email 有無得放早   不過唔會咁快通知囉   好怪   之後里奧大人 SMS 話收 5 點   話出尖沙咀行下喎   都好丫   難得收早嘛   我就差唔多 12 點半先收到 email 放 4 點   太好喇 ~ 
個人真係唔多舒服   晏晝食完個蛋糕就瞓陣晏覺   瞓醒叫做好 dd 咁啦 ~
之後里奧大人打黎話 5 點應該收唔到工   唉   我都預咗啦   不過都無咩所謂   我都唔多舒服   想喺屋企休息   咁難得放早就去街市買嘢   好想整雲吞呀   好在 d 檔口無收早咋 ~ 
番到屋企即刻又洗又切又醃   之後沖涼休息   打比里奧大人   佢話 6 點可以走   點知 7 點都未打黎   我都知咩事啦   我都睇睇下電視瞓着咗喇   之後 8 點打黎話收工   不過見今日中秋佳節   夜 d 都陪佢一齊食啦 ~
是日懶餐 - 韭菜豬肉雲吞

韭菜豬肉雲吞 - 好耐無整   咁問里奧大人好唔好食   佢話好食   不過無味喎   但我用嘅材料同醃料係同以前一樣架噃   之後先醒起   我次次會醃一晚架   今次醃得 2 個鐘   唔怪得無味啦   不過唔緊要啦   點醋食都好好味架 ~
食埋洗完碗再沖涼都 10 點幾   睇多陣電視都瞓喇   好攰呀 ~
( 之前喺 Log-on 買嘅日記薄   Display 有 2 個 Zipper 袋架  原來原裝係無   要自己配  嗚嗚 )