蕃茄意式肉丸長通粉 + 蘋果沙律 ( 20-sep-2011 )

( 20-sep-2011 tue )
星期二喇   因為呢個星期六有得 off   所以未放假先興奮   番 5 日工真係好開心呢 ~ 
早餐食餐蛋治   食餐蛋治真係好鬼飽 ~


菇場雖然好靜   同埋有 d 同事同比較怪   但好感恩同我傾得兩句嘅同意都對我好好   好似呢排 Receptionist 請咗假   我明明起身去開門   我同事都話 " 得喇   等我去開 "   佢個位遠過我架   反而我個衰 Partner 坐喺我隔離就當無事發生   真係睇得出佢對菇場真係好無歸屬感 ~    
我 Partner 真係好怪架   我地 5 點 40 分有 Shuttler Bus 到地鐵站   佢 5 點半即走   我見到佢坐喺大堂等到有 Shuttler Bus 先去搭   好心啦   一係唔好咁做走嘛   好似遲一分鐘走要做嘢好蝕底咁   唉   呢 d 咩人黎架   我初初以為我憎佢所以先覺得佢怪   原來另一個同都見過   諗法仍都同我一樣   都係覺得留喺菇場坐到夠鐘好過坐大堂啦 ~
今日 lunch 係朱古力奶溝麥片   食完好鬼凍呀   要出去行下 ~

今晚要煮飯呀   本來想整天婦羅   就咁整青椒咋   平 d 嘛   整衰唔會心痛   但原來要用蛋黃   不過我今餐又用唔到蛋白   但又唔想掉咗去   所以最後唔整 lu ~ 
是日懶餐 - 蕃茄意式肉丸長通粉 + 蘋果沙律
蕃茄意式肉丸長通粉 - 唔知點解呢排煮餸都鍾意酸酸咪咪咁樣   呢個長通粉就啱哂胃口喇   同埋最緊要係想清埋半包煙肉   依家 d 煙肉好貴呀   絕對不能夠唔記得食呢   哈哈哈 ~
蘋果沙律 - 之前買咗 5 個蘋果   就咁食蘋果好似好悶咁   所以就整沙律喇   今次材料係 5 個蘋果 + 2 罐粟米 + 1 罐紅腰豆 + 2 罐椰果   依家地們椰果超貴   $17.4   我買唔落呀   上年喺大埔凍肉舖只係買 $12 ( 依家唔知幾錢   不過點都唔會貴過超市 )   所以我買另一隻原產地係泰國嘅椰果   口感同地們差唔多   都煙韌   價錢都係 $12.x   差好遠呀 ~
里奧大人今晚 8 點 15 分就番到屋企   雖然兩公婆住埋一間屋   但見佢時間真係好小   就算咁簡單一齊食飯都係好難   所以今晚可以一齊食飯好   我好開心呀 ~