煎雞翼 + 蒜蓉炒油麥菜 + 冬瓜祛濕水 by 鐘點 ( 16-sep-2011 )

( 16-sep-2011 fri )
今朝坐巴士   有個阿婆將一盒嘢擺喺隔離位   有個女人要坐埋去   同阿婆講聲唔該   個阿婆望一望個女人再施施然好唔情願咁拎開 d 嘢   好心啦   又唔係比兩個人錢   明知架車差唔多滿就醒 d 自己拎起啦   最憎 d 人持老賣老   之後個阿婆就扮咳   係咪大大聲 ke ke kam kam   又係咁拍隻腳   郁隻腳   之前上車一路無事架喎   睇得出佢係特登囉   唔忿氣無位擺嘢嘛   我覺得佢真係好衰格囉 ~
Happy Friday 呀   所以食豐富 d   不過食一個麵真係好鬼飽囉 ~


菇場好靜啦   我個位係望住 A/C Dept. 架   佢地個個就鬼咁忙   同埋我發覺好多做 A/C 嘅人都帶眼鏡同好斯文咁架   哎 yo   如果有個靚仔就好啦   無嘢做望下都唔錯呢 ~ 

又到 lunch time 喇   今朝食到好飽   晏晝就飲特濃朱古力奶溝脆麥片   今次溝細半杯算喇   上次溝咗一杯   食完好滯好唔舒服   今次咪搞喇 ~
嘩   時間過得真慢   如果假期 d 時間過得咁慢就好 lu ~
放工去拎眼鏡   雖然左右眼都只係 50 度散光   但帶咗眼鏡之後真係望得好清楚呀   其實之前配嘅散光鏡係左 75 右 100   點解果時又唔覺好散   但依幾個月開始覺得睇嘢好散   同埋奇怪點解會淺咗度數   定係之前果間整鍺度數呢 ~
依家雖然我會食飯先   但我都會打比里奧大人   睇下佢幾時番   咁今晚都預咗佢差唔多 9 點幾先番到屋企   估唔到 7 點打比佢   佢話喺大陸啱啱放工   我好開心呀   所以等埋佢一齊 8 點半先食飯喇 ~