冰鮮有機穗香雞 + 腐皮卷 + 蕃茄薯仔魚湯 by 鐘點 ( 21-sep-2011 )

( 21-sep-2011 wed )

今朝好清涼呀   如果日日都係咁嘅天氣就好喇 ~

早餐食芝士吞拿魚治烘底   又幾好味噃   同埋好似好健康咁 ~ 

晏晝又係食 lunch box 啦   次次一叮呢個蕃茄通粉都好香架   聞到都好想食呢 ~
  今晚有鐘點   所以放工唔駛咁趕   如果鐘點有聚會   佢都會拎埋佢煮嘅嘢比我食   今晚有素腐皮卷   好好味呀   我好鍾意食架   不過依家佢煲魚湯就差咗 d   好腥咁呀   下次問佢點解會咁先   可能 d 魚唔新鮮   如果係咁就唔好買喇   因為我好鍾意飲魚湯家嘛   咁腥真係好難入口   幾有營養都唔想飲囉 ~

尋晚整咗沙律   所以叫家姐黎食   我發覺次次家姐打黎   里奧大人又會打黎   今次又係咁   家姐 send SNS 比我   里奧大人就打電話比我   好在唔係一齊打電話比我   唔係手機又響   屋企電話又響   真係人都顛呀   大佬   喺廚房整嘢真係好唔鍾意有電話響囉 ~

噢   秋天喇   今晚 9 點幾就熄冷氣喇   好在都有風   之後覺得有 d 凍咁添呀   正呀   唔駛開冷氣真係好喇   可以慳錢又環保   個人又無咁濕   不過瞓覺就開冷氣囉   唔係好似好熱咁 ~