彩晶軒 @ 官塘疆魚裇中心 ( 17-sep-2011 )

西華門燈影牛展 - 之前食燈影牛展係好薄好脆甜甜地咁架   覺得好好食   所以叫呢個   點知原來係滷水牛展   不過都好入味   唔錯   同埋以佐酒小食份量黎講   份量都算多山東手抓薄撐 - 無咩特別   薄餅包住小小肉小小菜咁囉
甜豆冰耳炒鮮淮山 - 我唔識整新鮮淮山   所以就叫黎食喇
女兒紅吆妹子三鮮鍋巴 - 蕃茄海鮮就蕃茄海鮮啦   個名懶特別   哎呀   我唔識讀個 "吆" 字添呀   所以我叫嘅時候就咁話指住張圖   同埋就咁叫鍋巴算 lu   不過呢個唔好食囉   唔酸又唔甜   我覺得有 d 苦添呀   如果係城寨風味嘅錦滷雲吞汁料就正喇   好味好多呀


蒜香金沙鹽酥加拿大桶蠔 - d 蠔都幾大隻   難得咁多人食   所以叫喇   如果 2 個人食係唔會叫囉   里奧大人話食隻半已經話好滯好滯   好煩呀

鮮胡椒醬烤牛肋排 - 呢碟好大碟架   同埋有串鮮胡椒架   不過我影得唔好   好在無手震咋   因為個 waiter 等埋我影先切開一件件   所以都唔敢影咁多張   不過呢個又好味喎   d 肉好林好入味   d 醬汁係甜甜地嘅   不過我就唔多鍾意甜甜地嘅汁配紅肉   好似好漏咁   我自己覺得咋

杞子圓肉桂花凍 / 法式焦糖燉蛋 / 楊枝甘露- 其實大家都飽   不過見 d 甜品係 $ 6 - $12   咁平肯定好細件   想睇下幾細件囉   但估唔到比我地想像中更細件   搞笑 杞子圓肉桂花凍- 呢隻碟嘅 size 係裝辣椒油嘅 size   妳話幾咁細隻呢   不過都幾好味 法式焦糖燉蛋- 家姐話隻匙更啱啱好夠位   可以放落個杯度   大 d 都唔得呀   妳地諗下個杯幾咁細呢楊枝甘露- 呢個 4 啖已經可以食哂 lu  免費生果

( 17-sep-2011 sat )
逢星期六早餐都會食飽 d   因為多數 2 點先食 lunch   今朝食芝蛋治烘底   唔餓食芝蛋治真係幾辛苦   好飽好滯咁囉 ~
番到菇場真係覺得好鬼悶   真係上網睇嘢都睇到唔知睇咩好   勁想番屋企呀 ~
今日好開心呀   因為同屋企人打麻雀食飯做節嘛   我地好小會當日做或者提早做節   因為實多人囉 ~ 
媽咪要買梳化   所以我同里奧大人一早已經幫媽咪睇咗張電較梳化   等埋家姐一齊再去睇   ok 就買架喇   試下又商量下就買 lu   我比錢嘅時候   里奧大人話佢送比媽咪喎   又幾孝順媽咪噃   之後媽咪都黎埋試   都話好鍾意呢   家姐同里奧大人整鬼媽咪   叫媽咪試張電較嘅 ( 我地買果張 )   之後就同媽咪講   叫妳試下架咋   唔係呢張   係隔離手挍果張呢 ~
咁齊人   咁當然打麻將啦   我放工先同里奧大人講話媽咪黎打牌   佢本來話唔想打架   公司好多嘢未做   我話陪下媽咪啦   佢話好啦   之得尋晚唔睇電視   做嘢喎 ~
我地打咗一陣就叫外賣   再食 Cake   之後再打   我唔小心整到媽咪隻腳   因為我係夾住隻腳黎坐   唔知媽咪隻腳喺我果位度   所以我一放隻腳落地就整到佢   里奧大人就即刻幫媽咪敷冰   又幫佢用毛巾包住個退燒貼   等媽咪無咁凍   好在媽咪隻腳無瘀黑   只係有 d 青青地囉   不過我都好驚囉   同埋我都同媽咪講   唔好將隻腳放喺人地果邊囉   人地真係睇唔到架 ~

打到 6 點 15 分預備出發喇   講下嘢去下洗手間都成 15 分鐘   好在真係預鬆時間啫 ~
7 點準時到喇   之前去過呢間酒樓飲茶   覺得唔錯   同埋 APM 又無咩好食   所以試下呢間   不過今晚有人擺滿月酒   所以間到間酒樓好細   如果唔係更舒服   好在食物水準都唔錯   感恩感恩 ~