大家樂 @ 官塘 ( 15-MAR-2013 )

楊州炒飯 - 媽咪話之前食呢個炒飯   係好多嘢蝦舖喺飯面   唔係炒埋一齊呢  但估唔到又炒得好味喎   好乾身

菠蘿咕嚕肉 - 快餐店食小炒唔好抱任何期望   但又估唔到幾好味喎   因為無咩肥豬肉   我試過去酒樓食咕嚕肉   全部係肥豬肉   一咬落口成口油呀   恐怖

( 15-MAR-2013  FRI )

woo   起身真係覺得凍呀   又要着番厚棉衫同毛毛 boots   想帶埋大披肩架   不過好似好誇張咁 ~

今朝去九龍灣天橋拎報紙   排隊到我拎嘅時候   有個呀婆坐咗喺地下   有個女人幫佢報警   到我拎嘅時候   另一邊 d 人無啦啦伸手搶呀   有個女人一手搶咗 4 份添呀   痴線架   太貪心喇   之後聽見話呀婆跌斷咗隻腳   個婆都起碼 80歲   又瘦又細粒   有個男人話妳唔好拎嘛   d 人顛架   無錯   d 人真係顛架   唔好睇佢地係呀婆呀伯   個個惡死到不得了   又成日推人   又唔排隊   又係咁搶 d 報紙   條帶都未切斷已經係咁搶呀   係咪痴丫 ~  

早餐食芝蛋治烘底   超級飽添 ~

菇場靜呀   我發覺最靜嘅時候係 9 點半   正常公司朝早又最多人傾計   仲未眼瞓嘛   但菇場 9 點半開始已經死氣沉沉囉 ~

終於到 lunch time   又有 lunch box   d 同事見我有 lunch box 就會好好奇   第一句會話咁好煮飯嘅   講到我成日唔煮飯咁 ~

里奧大人上咗大陸   家姐又 annual dinner   咁我又同媽咪 工人去大家樂食飯喇   本來想同媽咪去稻香食飯   但媽咪要睇 " 心路 GPS " 大結局   唔想出去咁遠喎 ~

食到 7 點幾   之後我自己去阿信屋買零食就去媽咪屋企   傾下計   坐到 8 點 15 分走 lu ~  

番到屋企拖地   沖埋涼就睇電視   里奧大人差唔多 9 點半就番到屋企   實在太好喇 ~