標記樂園潮州粉麵菜館 @ 旺角 ( 16-MAR-2013 )

蜆仔肉炒韭菜花 - 我鍾意食韭菜花   不過里奧大人就麻麻   但呢個餸都幾惹味   所以里奧大人都 ok  

家鄉炒麵線 - 我問呀姐麵線係咩   佢話似米粉   同埋話好多人食喎 @.@   一上碟   里奧大人已經呱呱嘈   碟嘢好似打風咁呀   同埋全碟嘢係無味   好在有碟豆板醬咋  


餸一堆   麵線一堆

  
滷水鵝片 ( 例 ) - 上次食已經覺得麻麻   咁再比多次機會佢啦   不過都係唔好食囉   umm   呢間應該唔會再食架喇


( 16-MAR-2013  SAT )

今朝同 8 卦食早餐   同佢食早餐有個好處   係好小會遲到番菇場呢 ~

條腸仔好靚呀

靜靜靜   靜到呢   好在番半日   d 時間好快過 ~

放工即走喇   約咗里奧大人喺九龍城等   我由菇場行去九龍城   慢慢行去   差唔多 20 分鐘就到   諗住去泰北美食   居然未開   丫   超勁想食炸蝦餅嘛 ~

里奧大人話唔可以試另一間咪仲好   咁又係嘅   喺福佬村道 join 埋里奧大人   好感恩呀   同里奧大人去食串燒   因為呢間係我想帶里奧大人食好耐呢 ~

味道都 ok 啦   但服務就差 d   隔離位嘅女人 order 完   等咗 5 分鐘都走咗 lu   里奧大人話佢走都好正常   d 人愛理不理唔想做咁   真係好唔明白   點解 d 服務態度可以咁差   咁樣真係影衰香港囉 ~

酸辣湯牛河 - 冬蔭功係蝦   所以無蝦叫酸辣湯   終於記得   個湯底都 ok 架   

串燒 - 蝦餅 / 泰國腸 / 雞翼 - 新鮮熱辣最好味啦   我食完泰國腸   之後里奧大人食啦   食剩一半無食   我話係咪唔慣 d 味道   佢話係酸喎   我食果條無酸嘛   咁我試啦   真係酸   佢係咪咁好彩呀   哈哈 

串燒 - 牛肉 / 雞肉 / 豬肉

辣汁 / 沙爹汁 - 我係汁狂   真係可以食一啖點一啖汁   不過呢 2 碟汁就真係好唔掂   辣汁好鹹   沙爹汁無味   係咪特登咁樣先 balance 呢 ?!

食完就去九龍城浸信會聽 " 情緒處理公開講座 "   3 點開始   我地 2 點 45 分到   估唔到要排隊等   幾驚無位呀   感恩好快入到去呢 ~

3 點開始   3 點半就聽完   因為我地無聽公開答問呀   聽完就去旺角   一出到去就有 2A   行完波鞋街   再去旅行社睇資料   原來已經 6 點幾 ~  

去完 Come Buy 買嘢飲就去標記打冷喇   坐入面   不過我覺得有陣 up 味   但無計啦   又唔想坐出面大門口位置 ~ 

食到超級飽   再周圍行   去樓上舖買埋瑜珈毯就走喇   樓上舖同街舖相差 $40 呀 ~

諗住坐 2A 番屋企   但里奧大人話唔企喎   見到巴士無咩位   話坐 van 仔番屋企喎 ~