Green Monday 尖椒炒雞肶菇 + 菠菜 + 芫茜皮蛋湯 ( 11-MAR-2013 )

( 11-MAR-2013  MON )

今朝都幾涼   有霧又有 d 潮濕咁   又要開抽濕機 lu ~

Green Monday 早餐食飽 d   食芝蛋治烘底   真係好飽架   星期一無咩 mood 嘛   如果又唔飽   好似好淒慘咁 ~

菇場靜   加上無嘢做   真係好易中眼瞓   所以我 partner 11 點幾都中緊啦   頂佢唔順 ~

晏晝出去食白粥 + 炸兩   呢間係 8 卦介紹   真係好味過我之前去食果間   價錢又一樣   同埋一樣係咁迫囉 ~

出去食嘢 d 時間真係過得好快   食完行陣就番菇場喇 ~

放工唔駛去買餸   唔駛買餸 d 時間真係好用好多   所以去阿信屋買日丁同芝士麵   之後再買寧買嘢   點知 6 點半先番到屋企   比平時買完餸番屋企更遲   所以要快快趣摩打手浸菜整嘢 ~

今晚自己食先   本來想整炒飯   不過唔想食飯   食辛辣麵   其實辛辣麵好似有牛肉成份   都唔叫素   但無法啦   過咗期嘛   唔想掉   唯有食啦 ~

是日晚餐 - 尖椒炒雞肶菇 + 菠菜 + 芫茜皮蛋湯

尖椒炒雞肶菇 - 終於買到雞肶菇   諗住刨薄片   不過無咩心機刨   求其薄切算喇   我成日覺得菇類有陣味咁   所以今次用 " 麻婆豆腐 " 醬汁   再加埋 5 隻尖椒一齊炒   估唔到係辣   正呀   好難買到辣嘅尖椒呢 ~

菠菜  - 尋晚買架    終於清哂 lu ~

芫茜皮蛋湯 - $6 / 2 扎芫茜 + 2 隻皮蛋   不過今次滾得唔夠溶囉   唔好飲嘅   但就清熱氣囉   咁諗會好 d ~

里奧大人 8 點 15 分先放工   煮個芝士拉麵佢食   佢好開心食麵   我話係因為個麵過期先煮麵咋   等佢食埋   幫佢洗埋碗都已經 9 點半   本來想熨衫   但都係唔熨喇   唔想搞到自己咁攰呢 ~