蒜泥手撕雞 + Sambal 炒豆角 + 炸菜肉片炒麵 ( 13-MAR-2013 )

( 13-MAR-2013  WED )

又黎潮濕噃   熱完之後又潮濕   之後又話會涼   呢 d 天氣真係要好好保重身體呢 ~

早餐又食奶油多   今朝改飲奶茶   好在都 ok   菇場附近無咩邊間奶茶好飲架   有間飲完勁想反胃   所以我先改飲咖啡囉 ~

菇場好多人 ke ke kam kam   聽 d 聲係應該病緊添   不過又唔帶口罩   好在唔係坐佢地附近咋   不過中央冷氣   都會好易中招 ~ 

終於有嘢做   仲忙到 11 點半   抖陣又 lunch time 喇   幾咁快又過咗半日呀 ~

無啦啦好餓   第一次咁想食 lunch box 呀   尋晚食 d 尖椒唔辣   但里奧大人就話好辣好辣   丫   原來佢食哂 d 辣呀    我今日食得 1 隻辣咋   佢好幸運呀 ~

放工唔駛買餸   番到屋企就預備晚餐   飲埋尋晚 d 湯   抖陣就煮嘢喇   之後里奧大人打黎話 9 點先放工   又係我自己食先   所以我食芝士麵   我覺得麻麻地好食呢 ~

是日晚餐 - 蒜泥手撕雞 + Sambal 炒豆角 + 炸菜肉片炒麵

蒜泥手撕雞 - 用雞扒代替白肉 ( 五花腩 )   我硬係覺得五花腩好肥咁   如果多人食都無所謂   但得 2 個人食就唔好喇   今次跟足食譜整醬汁   之前又買咗枝魚露同花椒油   終於用得着喇   我 whatsapp 比家姐睇   佢以為我買番黎   里奧大人口話好食   又係以為我買番黎   幾咁識講嘢呀   不過我真係覺得好食架   可能我鍾意食蒜啦   生蒜比較辣口   再加咗 2 隻指天椒   所以里奧大人話好辣呀   呢兩晚佢都食辣   佢話要買番 d 清熱嘢飲呀   所以我即拎罐 100 plus 比佢清熱   幾有效率呀 ~

Sambal 炒豆角 - 好懷念喺馬來西亞食嘅 Sambal 炒豆角   不過人地整得好食好多 ~  


炸菜肉片炒麵 - 尋晚剩嘅滾湯梅頭   加埋半包炸菜   用 4 個蝦子麵黎炒   清哂 d 蝦子麵   超勁開心呀 ~  

今晚只係開機洗衫   咩家務都唔駛做   11 點就瞓   唔錯唔錯 ~