鹿鳴春飯店 @ 尖沙咀 ( 1-MAR-2013 )

烤北京填鴨 ( 一食 $300 ) - 唔錯啦   最緊要無羶味 ^^

薄餅 - 好過平時蒸籠果 d   因為好快乾爭爭   但喺呢度   食一塊薄餅都已經幾飽肚 @.@


青瓜 / 大蔥 - 青瓜再幼身 d 就更加好

全場嘅鴨都係呢位伯伯片皮架   一片就片 2 隻  

賽螃蟹 - ok 啦   都唔小蟹肉嘅   我麻麻地鍾意食呢個餸


醬爆雞丁 ( $88 ) - 好香南乳味   諗住配銀絲卷一齊食   但 15 分鐘之後先黎銀絲卷囉 @.@ 


鍋貼 ( $60 ) - 完全唔記得叫咗呢碟添呀   最尾先黎   都食飽哂啦 @.@   我食咗 2 隻   無特別   最後我要打包番屋企呢 ^^    

銀絲卷 ( $12 ) - 炸到熱辣辣   不過我對包包無咩興趣   咁我逐層拻黎慢慢食   原來係一絲絲嘅   我真係依家先知咋   豬豬  


拔絲香蕉 ( 細 $52 ) - 專人幫妳倒落冰水度架 ^^

好食呀   我食咗 4 件   飽到上頭殼頂 @.@

酸菜 - 好味呀   個個都鍾意食 ^^

花生 - 口感幾得意

( 1-MAR-2013  FRI )

YOHOHO   又 Happy Friday 喇   如果有陽光幾咁好呢 ~

早餐又食碎蛋吞拿魚治   真係好好味呀   下次食半份算喇   食一份真係好飽咁 ~



菇場忙咗陣   之後開始 hea 喇 ~

Lunch 出去食魚皮餃河粉   之後去萬寧買嘢   再去銀行入埋票就番菇場   有 d 熱呀 ~

今晚約咗家姐同糟糟籮籮 2 姐妹去尖沙咀食飯   book 咗 8 點半   糟糟要帶隻狗仔睇醫生   起碼 7 點半先到尖沙咀   所以我放工都坐巴士去尖沙咀 ~ 

差唔多 6 點 15 分到尖沙咀   去永安行咗陣   家姐 6 點半到尖沙咀地鐵站   好怕喺尖沙咀地鐵站等人   太多出口喇 ~ 

由 P 行去 H 都差唔多 10 分鐘   攰鬼到我呢   又焗   所以真係好鬼驚喺地鐵站等人 ~

之後又再行番 N3 出口   去 K-11 行下先   同家姐行 Market Place   佢真係好鍾意食包   一見麵包雙眼就發光   最後我買咗包啫喱糖比媽咪就走喇 ~

見糟糟未到   又想買生果   又去番 Market Place   再買多盒幸運餅   我第一次食呢隻餅係喺杜拜食架   我仲話係咪杜拜特產   點知 d 團友話香港有得買架   我真係唔知   之後番香港搵都無   今次都係我第一次見架咋   所以好鬼開心   買完即開黎同家姐一齊食呀 ~

糟糟差唔多 8 點到   我地又行番去海防道買嘢   再去埋馬莎買嘢就去鹿鳴春 lu ~

去到等咗陣就有位喇   位底唔高   所以好鬼好鬼好鬼嘈   食物都 ok   今晚係家姐同糟糟請架   因為係我同籮籮嘅生日飯 ~

糟糟車我地番屋企   快好多架   里奧大人今日唔駛上大陸   8 點放工   又係早番過我呢 ~