金泰苑泰國餐廳 @ 九龍城 ( 11-AUG-2013 )

泰式春卷 - 好味   香口嘢嘛

香酥魚鬆拌青芒絲 - 細咗好多 lu  

青芒絲 - 以前有 d 腰果架   依家只係青芒絲   超勁酸   不過真係食完好消滯呢

酸辣鳳爪 - 好味呀   夠哂辣

鹹肉椰菜苗 - 我好鍾意食椰菜苗架   不過鹹肉唔脆皮   同埋我好小   加埋好似一粒細骰仔咁咋 

香草辣椒牛肉碎炒河 - 佢地話無河粉   咁諗住叫第 d   之後佢地話有人出緊去買緊河粉   叫我地要番喎

青辣椒 - 我覺得超級辣

冬蔭功湯 ( 蝦 ) - Menu 係有 3 隻辣椒   咁我地話要再加辣   不過估都估唔到呢個湯係甜甜地囉   好難飲 @.@

珍多冰 - 媽咪最鍾意有嘢咬嘅飲品

石榴子冰 - 里奧大人最愛架   不過好多都無石榴子冰囉   所以見到要即叫啦

( 11-AUG-2013  SUN )

今朝 10 點 15 分起身   梳洗之後食早餐   食完原來已經 11 點   無諗過咁晏   我又未沖涼   所以番唔切教會喇 ~

咁里奧大人去剪髮   我就焗曲奇啦   d 朱古力 13/8 到期   所以我一定要整哂   同埋今晚見到家姐   要比埋佢呀   因為我真係麻麻地曲奇呢 ~

11 點半入廚房   2 點 15 分先出番黎   熱鬼到呢   不過清哂將會過期嘅朱古力真係好開心   但係仲有半包低粉係月底到期   都唔知整咩好   睇黎應該都要掉架喇 ~
  

特濃朱古力曲奇

牛油曲奇

之後再焗埋尋晚食剩嘅 Pizza 做 tea   食完我再熨 2 機衫   之後沖涼抖抖喇   里奧大人就去睇電腦 ~



今晚同埋媽咪 家姐去金泰苑食飯   佢地幫里奧大人預祝生日   又比埋大利是   發達啦 ~

我第一時間比盒曲奇家姐   我用咗佢之前喺酒店買比我食嘅蝴蝶酥嘅盒裝比佢   佢見到幾開心呀   之後一開見到我 d 曲奇個樣就變哂   衰   都唔係好難食啫   只不過無人地整得咁好食之嘛   哈 ~

我地 7 點開始食   食下抖下差唔多 8 點半就走人 lu ~

番到屋企換對波鞋就一齊出發去徑步喇   好似好耐無徑步   今日徑番覺得好正   鬆鬆筋骨真係唔錯呢 ~