打邊爐 @ 家姐屋企 ( 3-AUG-2013 )

芫茜皮蛋湯底 - 今次又唔夠芫茜味呀 @.@

墨魚卷


豬皮 / 魷魚

手切牛肉

牛柏葉

蟹柳

墨魚丸 / 蟹籽丸 / 魚腐 / 魚蛋 / 黑椒牛丸 / 龍蝦丸 / 牛丸

炸魚皮 2 包

指天椒

( 3-AUG-2013  SAT )

今朝 8 點起身   餓到呢   本來想喺屋企樓下食完先番工   但覺得咁樣好似好趕咁   最後都係去到菇場附近先食   唔知係咪餓過龍   所以食咗一半已經好飽   真係點都食唔落囉 ~

次次星期六都好忙   自己部腦又唔得   要去另一個同事個位度做   佢部腦慢到呢   平時 5 分鐘做嘅嘢變咗要 30 分鐘先做完   真係人都顛呀   所以 d 時間過得好快   做幾做又到放工 lu ~

因為去 Mega Box   我會番九龍灣 join 里奧大人一齊坐 van 仔去   離遠見到架 van 仔好開心啦   點知里奧大人無帶銀包   又要番屋企拎   咁唔緊要啦   我都想番屋企換袋 ~

天氣又焗   又一來一回行黎行去   雖然慢慢行   不過搞到我都有 d 唔舒服   本來我勁想去 ikea 食嘢   但我最後話飲茶   好想抖下呀 ~

前菜 ( 蒜蓉雲耳 ) - 間唔中食雲耳唔錯架   清清腸胃 ^^

天府口水雞 - 呢期超勁想食口水雞   不過呢碟唔麻又唔辣   同埋好油   里奧大人又唔食   我食哂成碟呀 @.@ 


松茸鮮蝦腐皮卷 - ok 啦   點喼汁好味道

鵪鶉蛋燒賣 - 完全估唔到里奧大人叫呢個點心   不過我都鍾意食呢 

生煎菜肉包 - 里奧大人記錯以為生煎包係鍋貼呀   慘   生煎包好飽肚家嘛

擂沙湯丸 - 麻麻地   可能食得太飽   哈

古法馬拉糕 - 我講明唔食架   太飽肚喇

食到 3 點幾就周圍行下啦   天氣報告又話有驟雨   都唔想行戶外   如果唔係想去銅鑼灣影高達 ~

又無咩地方想去   但我勁想打邊爐   所以最後決定去家姐屋企喇 ~

買完皮帶就準備走   因為約咗家姐喺新都城等   點知勁多人等 shuttle   諗住打的又係勁多人   最後我地坐 van 仔   喺家姐屋企附近等佢算喇   好感恩去到即有車   仲快過家姐添呀   不過我同里奧大人都唔記得家姐屋企條路   所以要佢車埋我地番屋企呢 ~

( 我覺得黑雲似條魚   白雲似鯨魚咁呀 )

6 點半開始打   打到差唔多 8 點半   食埋生果又同 d 狗仔影相   再抖陣之後家姐就番屋企喇 ~
( 我打完嘅時候   覺得牙肉同條脷好痛呀   所以勁飽都要食哈蜜瓜呀 )

食完諗住抖下   點知佢地 3 隻衰仔已經瞓哂覺 @.@  

B 仔

麥包

B 頭

番到屋企里奧大人做公司嘢   我就翻睇中國好聲音   睇到差唔多 1 點先瞓   但其實又唔係好眼瞓   不過都要瞓啦   聽朝要番教會呀 ~