咖哩牛仔骨 + 炒飯 + 粟米蛋花湯 ( 14-AUG-2013 )

( 14-AUG-2013  WED )

尋晚 2 點幾里奧大人去廁所   順便開電視睇下最新風向   原來已經 8 號  lu   今朝家姐 7 點打黎話我地知 8 號   叫我地繼續瞓   風球落咗再打比我地   之後再開電視睇   原來尋晚 1 點 40 分已經改發 8 號風球   估唔到真係打得成   呢個 "尤特" 都好勁下 ~

不過我地 9 點半已經醒咗 lu   咁梳洗之後就去食早餐喇 ~

番到屋企抖陣   沖完涼就睇下報紙   之後就見到新聞話 "2 點前後改發 3 號風球"   咁我希望 2 點後啦   咁就一定唔駛番嘛   不過里奧大人就要番囉   家姐最好啦   12 點仲係 8 號就唔駛番 ~

唉   1 點 40 分改發 3 號喇   遲多 20 分鐘咪好囉   真係丫 ~

咁同里奧大人出去食 lunch 喇   食完番屋企抖陣就番工 lu   其實我 3 點半出門口都未遲   不過見里奧大人 2 點 45 分出門口   我都番埋工喇   差唔多 3 點 10 分番到菇場   好在早出門口咋   因為開始落大雨喇 ~

估唔番到菇場會忙   望下鐘已經 4 點   之後上下網又 5 點 lu   所以好快就放工喇 ~

今晚唔去街市買菜喇   實貴嘅   所以去百佳買啦   不過已經比人掃哂喇   得番西芹同紅蘿蔔咋   咁一場黎到   買咗包急凍蝦同沙律醬就走喇~

番到屋企即預備晚餐   飲埋杯中藥就抖陣   里奧大人今晚 6 點 40 分就放工喇   如果晚晚係咁就好 lu ~  

是日懶餐 - 咖哩牛仔骨 + 炒飯 + 粟米蛋花湯


咖哩牛仔骨 - 原來屋企無哂黑椒汁   所以就用咖哩汁喇   不過家姐同里奧大人都話唔似咖哩汁   哈 ~ 

炒飯 - 用炒飯醬料炒架   其實 11/8 到期   不過唔理喇   過咗幾日應該無咩問題呢 ~

粟米蛋花湯 - 無菜就飲呢個湯   好似好耐無飲   覺得好好味呀 ~

洗哂碗   沖埋涼   再食埋生果就熨 2 機衫   呢排都應該落雨   無得出去徑步   真係要搵 d 家務做下   當做下運動咁啦 ~