自家香草醬 - 好怕呢 d 綠色醬 同埋我覺得有 "格甩底" 味 @.@
咖哩角 - 素咖哩角黎架 薯也好飽肚 不過辣辣地都幾好味呀
馬沙拉咖哩烤雞 - Mimi 話唔太辣 有蕃茄味嘅 我其實想食香辣雞 不過我驚好辣食唔到 但因為奉行 "邊個叫邊個食哂" 所以我唔敢叫啦
香蒜烤餅 - 老闆娘話似酥餅 咁信佢啦 但根本都唔酥囉 凍咗食有 d 硬添呀 同埋好飽肚 比人呃咗添
芒果特飲 - 唔好飲嘅 @@ 好似飲奶昔咁 但唔凍又甜囉
白雪紅霞 ( 荔枝 + 西瓜冰底 / 鳳梨醬 + 粟米片 + 仙草凍 + 西瓜 + 鳳梨 ) - 西瓜好味 荔枝就無咩味喇 依個甜品要 $54 我覺得好鬼貴囉
( 9-AUG-2013 FRI )
今日同 8 卦食早餐 我講明只係去菇場附近食 因為今晚去街 唔想行到成身汗呀 ~
菇場靜呀 所以 lunch time 就出去行陣 之後再買牛腩米番菇場食 食完抖陣就開工 爽 ~
放工去尖沙咀 因為我約咗 Mimi 去重慶大廈食印度嘢 但我唔識去 所以又要 Mini 帶路呢 ~
Mimi 一早同我講 話入到重慶要痴住佢 不停步向前行 嘩 講到咁恐怖 真係要痴實行囉 ~
今次去咖哩王 其實 Mimi 比我揀幾間 我揀咗咖哩王 Book 咗 6 點 45 分 去到啱啱好 不過服務態度就真係麻麻喇 我應該唔會再去囉 ~
真係好邪 我成同 Mimi 講話唔要對住坐 一定要平排坐 因為我要佢幫我食糖過關 今次真係平排坐喇 我地坐近 Cashier 位置 如果我地打對面坐 咁佢地一收錢 我就要企身讓比佢地入 好煩囉 ~
好餓呀 所以一坐低就叫嘢食 要聽 Mimi 話 叫咗 3 樣嘢先 食完唔夠飽再叫 仲要奉行 " 邊個叫邊個要食哂 " 所以我都唔咁一次過叫咁多 因為我驚好多印度嘢太多香料 我唔係咁接受到 要食哂真係好大鑊囉 ~
我影 Menu 嘅時候 老闆娘話唔比影 Menu 咁我都明嘅 驚我地係行家 不過其實真係影咗都唔知啦 但我無影 我影嘅目的係想知食物叫咩名之嘛 記性唔好懶得記囉 ~
點完哂食物 咁就叫 Mimi 喺食譜度簽名啦 之後佢又送咗包胡椒粉比我 好鬼香呀 其實我前日先去超市睇胡椒粉 估唔到 Mimi 又送比我 實在太好喇 ( 多謝笠笠 33 ) ~
年幾無見 Mimi 啦 又好好傾喎 佢講 d 生活細節 笑到肚痛 同埋覺得佢真係好有耐性 我要向佢好好學習 因為我實在好易放棄呢 ~
食下傾下都差唔多 8 點 之後開始越黎越多人 又越黎越嘈 咁我地又飽飽地 Mimi 話出去行下 再飲杯嘢好過喎 咁又係 反正呢間服務態度又唔好 都唔想留咁耐 ~
今餐係 Share 當我比番錢比 Mimi 嘅時候就鬧出個中笑話 呢餐飯係 $150 咁我比 $105 Mimi 但佢無 $30 所以比 $50 而我就找番 $20 比佢 正路我係拎番張 $50 嘅啫 不過我居然拎張 $100 放入銀包 其實我仲諗住擺好張 $100 先拎埋張 $50 架 但擺錢嘅時候覺得好怪 點解同一位置拎又擺番同一位置嘅 之後 Mimi 話佢有睇警訊 嘩哈哈哈哈哈 真係好在佢開口講咋 唔係真係以為我呃佢呢 ~
條街好熱呀 但 Mimi 話唔熱 奇人呀 其實可能我太肥啦 之後佢陪我去買香水比家姐 再行利時 不過我無咩嘢想買住 細手袋又實在太細 銀包都裝唔落 真係買黎無咩用 高跟鞋靚就靚 但我無本事着呀 驚 PK 呀 ~
之後行下韓超 多人到唔想行 咁索性去搵地方飲嘢 去到糖仁街唔駛等就入去啦 真係好感恩有 2 人位 唔駛坐近門口呢 ~
又食下傾下 差唔多 10 點就搭地鐵番屋企喇 同 Mimi Whatsapp 大家都勁口渴呀 下次都係飲嘢 唔食冰 好似食完仲口渴咁 ~
番到屋企 App 埋比 Mimi 知我已在家中就沖涼喇 今晚里奧大人唔駛上大陸 所以早番過我 之後一齊睇陣電視就瞓覺喇 ~
沒有留言:
發佈留言