煎餃子．專門店 @ 九龍灣 ( 20-AUG-2013 )

韭菜煎餃子

原味煎餃子

滷水雞翼米線

菜心

( 20-AUG-2013  TUE )

尋晚睇埋電視   差唔多 12 點先瞓   今朝起身真係好攰下   哈 ~

早餐食奄列餐   不過真係食唔哂    留咗半份奄列做 lunch   咁都唔錯架   因為 lunch box 得三色椒同生菜   有蛋可以飽 d ~

菇場忙呀   忙到 lunch time   番工時間過得咁快真係好 ~

3 點幾媽咪打黎話要入院   個心即刻離一離   原來尋日覆診抽血   驗到有糖尿呀   咁我問指數幾多   佢話醫生話高到不能再高   所以要入院   因為媽咪食好多藥   再加埋糖尿藥   d 藥要調教過   所以要入院睇下 d 藥食咗啱唔啱   仲話要打針   唉   我都無咁好氣   平時叫佢唔好食呢樣果樣   佢又係都要食   依家有事又黎驚   我話呢 d 係自己攞黎   妳預咗係咁結果 ~

雖然我都衰   咁樣話佢   但真係好鬼火囉   唔鬧都偷笑   不過話完佢   我又開始擔心啦   之後頭又痛身又凍   勁想快 d 放工探佢呀 ~

唔駛買嘢比媽咪食   所以坐巴士   去到差唔多 6 點 20 分   都幾耐下噃 ~

去到見媽咪都無咩嘢   見到姑娘幫佢打胰島素針   支針頭都好細枝   打完媽咪都無嘢   直情話唔覺打針添呀 ~

話完媽咪一輪就問佢糖尿幾多度   佢話 27.x   正常人好似係 5-6   咁真係好高下   等我今日仲特登買糖比媽咪食添   邪   其實食一粒半粒都 ok   但媽咪次次一食就食好多呢   所以我比哂家姐算喇 ~

家姐 6 點 45 分都黎到   咁啱媽咪要吊鹽水   最勁係半個鐘頭就要換過包鹽水   不過見到包鹽水都滴得真係好快 ~

里奧大人 7 點半放工   咁我同家姐 工人都 8 點走喇   家姐番屋企食飯   我同里奧大人就去食餃子 ~

好攰呀   番到屋企即沖涼喇   睇陣電視   11 點即瞓喇 ~