一壽司 @ 尖沙咀 ( 12-AUG-2013 )

蟹籽沙律

蝦天婦羅手卷

芥辣八爪魚軍艦

三文魚壽司

( 12-AUG-2013  MON )

尋晚同里奧大人交換位置瞓   因為我想對住冷氣機位置瞓   咁樣可以凍 d   佢又成日話怕凍   咁交換瞓就最好啦   點知我瞓得勁差勁差   瞓到手又痺腳又痺   里奧大人同樣瞓得唔好   真係得不償失   哈哈 ~ 

早餐食米粉餐   我叫雪菜肉絲家嘛   佢地又比錯榨菜肉絲   不過算啦   都懶得改喇   反正榨菜都 ok ~

菇場忙咗陣就 hea 到 lunch time   出面好鬼曬   不過我一定要去南洋入票   但菇場實在太凍喇   我行咗 15 分鐘都無流汗   入完票行去一田買冷麵汁   之後去麥記食魚柳包餐   再去超市買蛋糕就番菇場喇 ~

本來諗住聽晚先睇中醫   不過今晚可能 1 號風球   之後幾日都會落雨   咁我都改今晚睇 lu ~

6 點 20 分去到   有 15 個人排隊   今次 d 人好多嘢講   之前好快家嘛   坐一坐就郁一郁   咁好快到自己   但今晚坐好耐先郁一郁   真係坐到腰骨痛   之前 7 點已經搞掂   今晚 7 點仲要等等等   咁里奧大人 7 點半放工   話過黎 join 我   因為我起碼仲要等半個鐘   驚我番到屋企成 9 點會餓親   嘩   睇完都差唔多 8  點 15 分   今晚勁想食壽司   我記得行去巴士站有間壽司店   所以就去果間食喇 ~

中醫開咗 d 中藥令到我唔好咁大食   咁真係好似無咩胃口咁喎   定係因為麥記太飽呢 ~

食完坐巴士番屋企   感恩有車   所以 25 分鐘就番到屋企   好鬼攰啦   即沖涼之後就食生果   我鍾意食金奇異果   因為食完喉嚨無咁痕 ~

雖然今日好攰又周身骨痛   但都成 11 點先瞓   今晚唔交換位置瞓喇   唔係又瞓得唔好   真係人都顛囉 ~