金銀蛋菠菜 + 臘腸蒸排骨 ( 21-OCT-2013 )

( 21-OCT-2013  MON )

尋晚瞓得都好好呀   所以起身都唔駛懶床   同埋依家朝早要滾熱 d 中藥   真係唔可以 meme 摩摩囉   唔係會令到自己好緊張咁呢 ~

早餐食腿蛋治烘底   見到人地食沙爹牛肉麵真係勁想食   不過真係食唔落囉 ~   

菇場唔忙呀   大粒又唔喺度   超級勁 free   爽呀 ~

食埋 lunch box 就幫媽咪買梳打餅   之後行陣就番菇場喇   因為唔想比自己又亂買嘢呢 ~

放工去街市買餸   買埋聽晚嘅餸   咁聽晚唔駛又黎   呵呵 ~

番到屋企即煲中藥   依家一煲就 2 劑   咁嘥番唔小時間同煤氣嘛 ~

浸埋菜就開機洗衫   之後拖地   好鬼攰呀   抖陣又要煮飯   本來炒飯架   不過好攰   同埋得一邊爐   所以蒸熱算喇   唔想洗呢 ~

今晚差唔多 8 點先食呀   計錯哂時間   因為諗住今晚會早食早徑步家嘛 ~     

是日懶餐 - 金銀蛋菠菜 + 臘腸蒸排骨 

金銀蛋菠菜 - 明明想買茄子   點知見到菠菜 $8/斤   所以即刻買咗   之後先醒先我本來要整魚香茄子家嘛   仲連醬料都買埋添   咁買咗菠菜就唔整茄子咋   因為菠菜好多泥   要浸好耐呢 ~   

臘腸蒸排骨 - 懶呀   其實本來整魚香茄子   但無整到   所以轉排骨囉 ~     

里奧大人 9 點番到屋企   等佢食埋   我洗埋碗就即去徑步喇   其實 9 點幾真係唔想出去   不過真係唔想又打機   做下運動好 d ~

清清涼涼嘅天氣   徑步真係好舒服   今晚徑咗 4 個圈咋   但都覺得夠喇   因為今晚真係有 d 攰 ~

沖完涼就休息喇   不過又打下機   又 cherry x 2 呀   但打到 11 點半就瞓喇 ~