2013年10月9日星期三
叉燒炒麵 + 油麥菜 ( 9-OCT-2013 )
( 9-OCT-2013 WED )
終於朝早喇 即係肯定晴晴佢地已經到咗澳洲 咁我可以鬆一口氣喇 佢地由上機果刻 我就開始 count 時間 好似果時里奧大人出 trip 咁 每過一個鐘就最開心 因為代表好快到目的地嘛 ~
唉 喊到對眼腫哂 又勁黑眼圈 個樣真係生人物近 因為好嚇人呢 ~
早餐食雪菜肉絲五香肉丁米 雖然五香肉丁係有辣油 但根本一 d 都唔辣嘅 所以次次都要加小小辣椒油先好食呢 ~
番到菇場開 skype 收到里奧大人姐夫 skype 話 arrived melbourne 咁我個心就定好多喇 希望快 d 搵到屋就更加好啦 ~
菇場唔忙 不過心情仲未平復 一諗起晴晴就喊添 淚線太發達喇 ~
無啦啦 11 點先黎忙 咁都好嘅 好快到 lunch time 我出去行到 1 點先買 pizza 包番菇場食 所以食完又好快開工咁 哈 ~
忙到差唔多 3 點就搞掂喇 抖下又到放工 今晚要去街市 咁放工就即走 lu ~
買完菜就去太興買叉燒就番屋企 浸菜之後就抖半個鐘 差唔多 7 點就煮飯喇 今晚我要食先呀 因為我要去徑步呢 ~
是日懶餐 - 叉燒炒麵 + 油麥菜
叉燒炒麵 - 之前已經想轉另一間麵檔 因為我見到有小小強 同埋又好似越買越貴咁 麵質又唔穩定 咁但又唔想行咁遠去另一檔買喎 但今晚整定要去買另一檔啦 因為買開果檔休息呀 咁我去另一檔買咗 2 個蛋炒麵都係 $7 咁里奧大人又話同之前食開果 d 無分別 咁下次我都喺呢檔買 lu ~
油麥菜 - 個人好攰 睇嘢真係濛查查 我離遠睇到寫住 "油麥生菜" 咁我買完麵就再買菜啦 因為想知道 "油麥生菜" 口感係點嘛 點知近睇 原來係深藍色同黑色水彩筆寫住生菜油麥 嘩 點解我睇到油麥生菜嘅 同埋應該要隔開 d 寫嘛 一係寫生菜/油麥 咁樣清楚 d 囉 ~
里奧大人 8 點半放工 咁我就出去徑步喇 徑咗 5 個圈 番到屋企已經見到里奧大人 lu 不過佢都係番咗黎幾分鐘 咁就陪埋佢食麵傾下計 等佢食哂 幫佢洗埋碗 我先沖涼啦 ~
呢排成日要見客 所以佢都好多嘢要做 又做到 11 點先瞓 陪佢睇埋新聞 11 點半即瞓喇 ~
訂閱:
發佈留言 (Atom)
沒有留言:
發佈留言