滷水雞翼 ( 外賣 ) + XO 醬炒油麥菜 ( 20-OCT-2013 )

( 20-2020( 20-OCT-2013  SUN )

今朝瞓到 8 點醒一醒   其實好好架   話哂一覺瞓 8 個鐘嘛   之後再斷斷續續咁瞓   咁慘喇   係咁發夢   oh no ~

去完大家樂食早餐就番屋企抖抖   沖埋涼就番教會喇 ~

奉獻完之後就同媽咪 家姐飲茶   因為媽咪話仲有 d 頭暈暈   所以都係想睇下佢   里奧大人就番屋企做公司嘢   今次媽咪又係唔知我去飲茶架   但家姐好餓   所以要剔點心紙先   咁佢叫咗 4 籠點心   媽咪好驚啦   平時叫 1 籠架咋   之後媽咪話食得哂就叫囉   因為今日媽咪同工人 share 碗雞飯   所以覺得家姐無食飯會餓 d   好好笑   唔食飯都唔駛一下子食咁多點心啦   哈哈 ~

之後媽咪見到我好驚啦   估唔到我黎嘛   食下傾下差唔多 2 點幾 lu   媽咪做運動   我同家姐就各自番屋企呢 ~

我真係好飽   所以我陪里奧大人去大快活食叉燒瀨就算喇 ~

番到屋企就熨 2 機衫   熨咗個半鐘   之後抹下嘢   再飲埋碗湯煲定飯就抖陣   今晚 7 點 15 分可以開飯   勁開心呢   因為早食飯係多好多時間用架 ~         

是日懶餐 - 滷水雞翼 ( 外賣 ) + XO 醬炒油麥菜 

滷水雞翼 ( 外賣 ) - 知道要熨衫   所以唔想煮餸呀   咁買雞翼就好啦   又可以做埋 lunch box ~      
XO 醬炒油麥菜 - 之前買咗個蔬菜脫水器   用咗幾次又無用   真係好嘥咁   所以今晚就炒菜喇   哈 ~

搞掂哂   沖埋涼都係 8 點幾咋   實在太爽喇 ~

最開心係里奧大人都做完公司嘢   又一齊睇佢之前錄咗嘅電視劇同埋食生果   不過今晚 11 點就瞓   呢 d 時間瞓覺最好呢 ~