住家飯 @ 媽咪屋企 ( 25-OCT-2013 )

煎薯仔餅 

燜豬手 

蒸龍躉仔 

炒菜心

蓮藕紅蘿蔔豬橫脷瘦肉湯 

梨

家姐買比媽咪嘅柿   我覺得貴呀   不過家姐次次喺 Apita 買嘅生果又真係好好味呢   同埋好新鮮好靚  

( 25-OCT-2013  FRI )

嘩   又 happy friday 喇   今朝有 d 凍呀   不過我懶呀   仍然着短袖衫呢 ~

早餐食奶油多   想齋齋地 ~   

菇場超級靜   所以我講電話真係超級辛苦   勁鬼祟架   之後我打比 frd   因為佢教我打 Pokopang   佢又細聲喎   聽到我幾辛苦   咁我都終於明白   人地聽我講電話原來係咁辛苦呢   哈 ~

但有 d 嘢又唔可以 whatsapp   因為真係打到手指都攰   好似之前家姐 whatsapp 我   佢話見到藍田有間 "譚仔三哥"   問我係咪好過譚仔   咁我話係呀   之後我話下次再同佢食蒜泥白肉   佢話藍田噃   我話牛下咪有囉   駛咩去藍田   之後佢話可以睇下有咩分別嘛   我咪話佢食過囉   之後佢仲打 "譚仔三哥 ?"   我咪話係呀   之後我覺得唔對路   問佢講咩 ?   佢又話頭先果間叫 "譚仔三哥"   仲話我話係堅添   咁我又再話同佢喺牛下食過囉   之後佢打黎喇終於   原來佢睇到果間係藍色嘅 "譚仔三哥" 覺得好奇   因為佢記得譚仔係黃綠色家嘛   仲話所以 whatsapp 都唔係咁好   搞到 d 嘢唔清楚   哎   我咪話係妳自己打得唔清楚咋   唔關 whatsapp 事囉   講咁鬼耐   重點係 "譚仔三哥係藍色字" 又唔講   如果佢一早講話係藍色字   就唔駛講一大輪嘢   有 d 暈 ~~~~

呢日咁好天   所以 Lunch time 出去食酸辣米線   其實我唔餓   不過唔知點解成日好想食囉 ~

食完行咗陣商場   又買咗 2 件長 tee 同 2 條褲   想買好耐啦   終於買到  好開心呀 ~

里奧大人上大陸做嘢   我又順理成章番媽咪屋企食飯呢 ~

家姐今晚早咗小小番   又可以早 d 食飯   之後佢地食生果   不過我無食   傾下傾下又同家姐食咗 1 筒薯片   都幾勁   因為係咁飽嘅情況之下都食到成筒   哈 ~

媽咪依家真係唔敢亂食嘢   真係樣樣跟足哂份量   又無咩油   所以夜晚會餓   就會食包梳打餅   都唔知係咪熱氣得滯   條脷生咗粒黑色飛滋   之前佢話大粒架   仲痛添   搞到我果晚都唔安樂   一番到屋企上網 check 點解會咁   之後佢話飲好多水   條脷無咁痛同埋無再凸出黎   咁我都安心 d   依家粒飛滋好似芝麻咁 size   但就唔痛   唉   希望快 d 消失啦 ~


同家姐 8 點半走喇   番到屋企又即刻開機洗衫同沖涼   里奧大人就差唔多 9 點半番到屋企   算快架喇 ~