老趙越南風味餐廳 @ 佐敦 ( 1-OCT-2013 )

越式拚盤 ( 細 ) 

我最驚食扎肉   同埋佢地薄切   所以唔鍾意 d 口感   炸乾蔥又無味 @.@

牛肉蝦片 - 又係食到滿口花生 @.@ 

越南春卷 - 無味 @.@  

越式炒貴刁 - 無味   生菜多過貴刁   同埋 d 蝦好似蝦干咁   乾爭爭架   第一次見架咋 

馬拉盞炒通菜 - 最勁係佢地啦   咁炒都無味 @.@

( 1-OCT-2013  TUE )

今朝瞓到 9 點半   連瞓 9 個半鐘實在太好喇   如果次次一覺瞓天光就最好呢 ~

又要空肚飲藥   所以我滾熱 d 中藥先   如果唔係一陣太熱   又要等到暖先飲   好嘥時間咁 ~

個人好似幾精神咁   所以睇下報紙   點知睇睇下開始覺得好眼瞓   又瞓番 lu ~

之後 10 點半就起身喇   同里奧大人食完早餐就番屋企抖喇 ~

家姐 11 點幾 whatsapp 我喺邊   咁我又問番佢一陣去邊   佢話同媽咪飲茶   咁我又話去啦   因為里奧大人聽朝要去拎辦   所以今日要做公司嘢   唔係聽日又無咗半日做嘢喎 ~

我地無同媽咪講我黎架   所以媽咪見到我好愕然呢 ~

11 點幾先食完早餐   我話只可以食小小嘢架咋   飲到差唔多 2 點就走喇   媽咪去散步   我同家姐就去買寧買嘢 ~

時菜鯪魚球

沙爹金錢肚

雞尾包

叉雞飯

唔小得嘅薑蓉同酸梅醬

菜心

我之前勁想買 line 嘅碟   不過又要買牙膏就諗諗先   因為屋企好多牙膏啦嘛   但今日 Enjoy 卡有 95 折   終於忍唔住買 2 套喇   今次我超級醒   因為我之前買咗萬寧 coupon   咁家姐叫我用 coupon   所以我唔買住   因為無帶 coupon 嘛   之後行行下我話要用 Enjoy 卡先有 95 折喎   用 coupon 咪無 95 折囉   老點   之後又行番去買喇   最開心係我有 $66 cash dollar   咁即係用 $0.3 買 $66.3 嘅嘢   超勁開心呀 ~

買完就番媽咪屋企拎生果就走喇   原來已經差唔多 3 點喇   咁家姐就番屋企   我就陪里奧大人食 tea   今日把口未停過咁呀 ~

沙牛夾多士

京都炸醬粗

比里奧大人睇 Line 嘅碟   佢話有 4 套   所以佢話買埋其他 2 套比我喎   實在太好喇 ~

番到屋企就煲中藥   里奧大人仲要做公司嘢   5 點幾佢搞掂哂喇   咁出發去佐敦   諗住坐小巴   點知架小巴無啦啦走外圍   所以唔再等啦   改搭地鐵 lu ~

星期日家姐同糟糟睇啱咗張輪椅比媽咪   不過唔知好唔好   所以就等埋我去睇先買喇   真係好感恩   因為有 9 折   折實咗係 $3400   又包送貨   最緊要唔駛自己拎呢 ~

同里奧大人再行埋樓下超市   買咗包黑芝麻糕   買完即試   覺得好味再買多包   勁有旅行試食 feel 呀   不過里奧大人話唔係試食喎   因為係比咗錢先食   哈 ~

我對佐敦唔係咁熟   所以求其行   見到啱心水餐廳就入去食架喇 ~

見到有越南菜館就入去試下   因為我勁想食越南菜好耐啦   不過呢間越南菜館唔會再黎食囉   無厘味道嘅 ~

食完就行去坐小巴    再去拎埋鞋就番屋企喇 ~

里奧大人原半 11 點 15 分想瞓   不過我話想過關   要遲 d 先瞓   所以叫佢睇多陣電視   陪下我嘛   哈   又成 11 點 45 分先瞓添 ~