住家飯 @ 媽咪屋企 ( 14-FEB-2014 ) ( 15-FEB-2014 TO 16-FEB-2014 )

蒸多寶魚

蒸花蟹 - 估唔到細細隻都好多肉噃

白切雞 ( 外賣 )

椰菜花 + 菜心

雪耳白果魚湯

(14-FEB-2014  FRI )

今朝仍然係好凍好凍   今晚番媽咪屋企就更凍   所以終於要着抓毛衫   咁樣暖好多架 ~

我通常一路食早餐一路嘆報紙   點知突然感覺到有人輕輕力拎起我張報紙   原來係 8 卦   本來分開坐架   後尾有卡位可以一齊坐呢 ~

菇場唔太忙   之後再同 Pantner & 另一同事開會   清楚哂之後做嘅嘢就散會 lu ~

今日有 farewell lunch   又係去飲茶啦   我第一次同船務部同事 & 司機咁好傾   因為平時真係無咩兩句   哈哈 ~   

差唔多 4 點半有散水 cake 食   咁又幾好喎   因為頭先 d 點心都唔熱嘅   所以唔係食好多咋 ~

里奧大人上大陸   我就番媽咪屋企食飯喇   家姐唔舒服   所以唔番   咁我地 6 點幾可以開飯 lu ~

差唔多 8 點半就走喇   番到屋企即開機洗衫   之後再沖熱涼   爽呀 ~   

個肚有 dd 扯住痛   原來每月一到   不過聽日都要番工啦   因為 Partner 聽日 last day   仲有嘢要比我   oh ~

里奧大人 10 點幾先番到屋企   同佢傾多陣   我就瞓覺喇 ~

( 15-FEB-2014  SAT )

感恩尋晚痛咗 dd 又唔痛   痛咗 dd 又唔痛   叫瞓得 ok 啦   不過咁樣瞓下醒下   真係勁想繼續瞓   唔番工呢 ~

9 點先出門口呀   不過估唔到打的都要排隊   無諗過囉 ~

買埋早餐番菇場   不過無胃口食囉 ~

個肚唔係劇痛   但就陰 d 陰 d 咁痛   最難頂呀   又嘔喎    所以成日去廁所瞓覺   次次一瞓就瞓成半個鐘   瞓咗 3 次   哈哈 ~

之後又頂唔順去瞓啦   入咗去 5 分鐘左右   無啦啦船務部同事名齋叫我   問我有無事   因為另一同事阿花話我入咗去廁所好耐   驚我有事呀   佢地嘅關心   真係令我好感動呢 ~

放工即打的番屋企喇   里奧大人就約咗舊同事食 lunch   咁仲好   佢唔駛咁悶   哈哈 ~

我沖完涼就瞓喇   之後里奧大人唔知幾點番黎   我叫佢幫手食埋件腿治   條友問件腿治邊度買架 ?!  我唔食腿治架喎   依樣果樣   之後我好大聲話 " 食呀 ~~~~ "   佢喺度大笑   話我有氣話佢喎   痴線 ~

我真係除咗沖幾次涼之外   完全無離開過張床   係咁瞓呀   勁 ~  

(16-FEB-2014  SUN )

今朝無番崇拜呀   係咁瞓瞓瞓   沖完個涼又瞓瞓瞓 ~

其實個肚唔係好痛   但唔想食嘢囉   同埋好凍呀   喺被竇入面暖笠笠好舒服呢 ~

就係咁樣   我又係無離開過張床   呵呵 ~