嘉華大酒樓 @ 官塘 ( 25-FEB-2014 )

白灼生海蝦 一斤

原籠蒜香糯米蒸羔蟹仔

東江沙薑雞半隻

燒汁腰果牛柳粒

金菇瑤柱扒豆苗

( 25-FEB-2014  TUE )

尋晚瞓瞓下勁想嘔   不過忍住   之後瞓瞓下又勁餓   咁都好   起碼有餓嘅感覺 ~

早餐食通粉餐   不過奄列同多士就食唔哂咯   留番晏小小食 ~

家姐今朝問完我食咩早餐   之後里奧大人又問我食咩早餐   等我以為自己無答到人添   但明明記得有答家嘛   哈哈   我次次唔舒服   佢地第朝實問我食咩早餐   搞笑 ~

本來諗住唔食藥   但個胃仲係唔舒服   所以照食啦   食 4 粒藥丸   但其中 2 粒係食完令人昏昏欲睡   呢下先慘 ~

10 點幾勁餓   咁食埋奄列多士啦   點知食完就勁忙   雖然勁眼瞓   但都要開行 turbo 做   因為聽日 off   唔想有手尾 ~

Lunch 落去買星洲粉米   不過呢間又係麻麻   我覺得有 d 米粉有 d 苦   唔知係落得太多咖哩粉定我本身食完藥   個口苦呢 ~

1 點半準時開工啦   做呀做   做呀做   5 點 45 分終於搞掂哂 ~

今晚同媽咪 家姐去酒樓食飯   因為今個星期三四五都唔得閒   咁我又唔想個幾星期之後先見媽咪   所以改今晚食   但其實我都唔係咁想去   因為我食完藥超勁攰呀 ~

媽咪又煲咗魚湯比我   不過我一早話唔要   但佢係都要煲   我話根本無時間飲   唔記得飲會倒架   所以唔好煲比我   但媽咪唔理架   話里奧大人都要飲   之後媽咪話 d 魚湯落咗陳皮   可以幫我化胃氣   我聽完之後    終於明白媽咪點解堅持要煲比我啦   因為我話個胃好脹   嘩   聽完之後勁感動呀   同時我覺得自己超級勁勁勁勁衰格呀 ~      

感恩家姐今晚 6 點 45 分已經到酒樓喇   咁都好   我可以早食早休息 ~

媽咪食完就番屋企先   咁我地都唔上媽咪屋企喇   同家姐行埋萬寧就各自歸家 ~   

里奧大人 7 點 45 分放工啦   佢食埋嘢先番屋企   咁我差唔多番到屋企樓下   佢想去麥當勞買冰雪新地   咁我去買囉   不過架機壞咗   所以無得食   咁 join 埋一齊行番屋企 lu ~

番到屋企即沖涼喇   之後就一睇睇電視劇 ~

我同里奧大人講   今年咩嘢表示都無噃   我預咗無蛋糕   但估唔到連生日歌都無噃   不過佢無理我   哈哈 ~      

11 點就瞓喇   其實我未眼瞓   不過里奧大人瞓   我都會跟住瞓嘅   咁我就唔駛熄燈熄電視 ~