食食食 ♡ 番禺長隆景區 + 珠海 + 澳門美食純玩三天團 Day 1 (Part 1/2) ( 3-FEB-2014 年初四 )

( 3-FEB-2014  MON )  Part 1/2

今朝 6 點要起身喇   不過我居然唔想起身   平時去旅行唔會咁架   可能因為係去大陸玩啦   哈哈 ~

天未光就出發 lu


基本上我地次次去旅行都會預多半個鐘頭 double check   最緊要係帶齊証件   不過我都勁架喇   前日已經比定身分證同回鄉卡比里奧大人 keep 住   呵呵 ~

打的去紅磡火車站   估唔到好快到   同埋都係 $60   仲諗住要 $8x 添 ~

火車站都唔係好多人   但去到集合處就見到有 2 團唔同旅行社去珠海呢

7 點 10 分集合   上旅遊巴去沙田同上水接其他團友   不過我都瞓着咗   只係喺沙田醒一醒   之後瞓到去落馬洲喇 ~

旅程開始喇   導遊係鄭小姐   當地領隊係霞女

7:21 am 開車

一落車好凍呀   其一天氣凍咗   其二又唔夠瞓   好在里奧大人係都要我帶外套咋   唔係凍病都似 ~

9 點 45 分到落馬洲   過關就快呀   不過等團友就耐囉   其中一個 party 最勁啦   個老公居然無帶回鄉卡   所以要番屋企拎   之後再 join 我地   我覺得好離譜啦   點可能出發前唔 check 清楚証件架 ~

行上橋去坐車   點知因為整路   所以我地去大陸嘅人   同埋大陸黎香港嘅人   全部塞住哂喺條橋度   d 大陸人又唔理人   係咁橫衝直撞   最離奇係雖然有鐵馬   但係雙線行   唉   真係人都顛   當下好後悔點解話要去大陸玩囉 ~

上車喇   不過唔駛急   因為領隊已經編好哂坐位呢   我地坐第 7 行   中間位都唔錯丫   可以瞓覺唔駛扮聽嘢   哈哈


喺橋條度塞咗好耐啦   所以 10 點 20 分先開車   我同里奧大人食咗蛋糕就瞓喇   我係有史以黎可以上車即瞓   瞓到落車   昏迷果隻喎 ~

原定係 2 個鐘到酒樓   不過塞車同埋司機唔識去酒樓   所以 12 點 15 分先到呢 ~

今次我地同 2 個 party 一齊坐   總共 10 個人   佢地都有 2 個小朋友   2 歲幾至 10 歲到啦   不過佢地好聽話   又好有禮貌   第一餐飯都有傾有講   算係唔錯啦   完全無搭枱 feel 呀 ~

呢邊無人坐

呢邊就 full 哂

我地呢團 39 人   我地坐第 4 枱

呢餐美食係 " 蟲草花鮑魚宴 "
燉湯 - 飲完成身暖笠笠   勁舒服呀

唔知咩咩炒蝦

三色蒸水蛋 - 好味喎

椰菜肉碎

唔知咩蔬菜   滑嘟嘟幾得意

蒸魚   唔知係咪鯇魚呢   不過我唔敢食   我見到個魚頭已經好驚

滷水鴨定鵝呢

蘿蔔燜豆腐

雲耳蒸雞 - 呢碟得 1 個團友咁食   之後話蒸熟就無事   哈   其實我地都食咗鴨   又飲埋 d 雞湯   不過硬係覺得唔可以食雞咁囉   哈哈

蒸鏝頭

食到一半   無帶回鄉卡嘅團友都黎埋   好勁呀   比着我   我應該會長隆等啦   因為旅行團嘅酒樓係比較隔涉家嘛 ~

七樣菜煲   個名幾搞笑   叫什菜煲咪算囉

好喇   食完就出發去長隆喇   差唔多 2 點幾先到   一去到見到好多人就驚喇   嗚嗚 ~

去長隆   好驚變長 "聾"   哈哈

馬上中獎同馬上加薪 ?!   我要呀

內地人真係好野蠻   我地排隊入場時   點知撞正前面 d 人唔知為咩鬧交   阻鬼住哂   所以搞咗好耐先入得去呀 ~

我個頭又開始痛痛地喎   不過無同里奧大人講啦   驚佢擔心   所以有苦自己知   嘩哈哈哈 ~

行入去喇

去到咩都影啦   但真係無心機影架其實    人太多啦   又焗喎   所以我仲更加辛苦呀   完全唔想行   但唔行呢   去餐廳坐   周圍都係大陸人仲慘   唔明點解佢地講嘢咁鬼大聲   係真係想震穿妳耳膜咁架   真係人都顛 ~

猩猩尿兜 @@   其實係話比妳知到咗睇猩猩嘅地方喇

好得人驚

獴仔呀   見到真身好興奮呀   因為我無諗過會見到佢地呢 ~

果次喺明珠台睇咗個唔知咩節目   就係介紹佢地呀   佢地生命力非常之頑強架   因為其中一隻獴仔比眼鏡蛇咬到   隻眼都已經腫哂   都應該無得救架喇   我仲係臨瞓之前睇添   睇到我喊   點知 ending 係幾日之後佢居然無事呀   真係破涕為笑呀 ~

佢地同 d 泥差唔多色   我仲同里奧大人講無得睇添   哈哈

因佢地好細隻架咋   好似前臂咁長   勁想抱佢地呀   因為我覺得佢好似朱仔   哈哈

黑眼圈咁深嘅

佢地會企喺度 "睇水" 同埋曬太陽   個樣八八卦卦咁好得意呀

兩隻望嘅方向係一樣   影到好似重疊咁

睇大笨象喇   佢地應該都熱呀   係咁潑水

佢好似係度笑咁   好可愛   但其實佢地好可憐

好熱呀   所以買雪條食啦   勁貴呀   RMB18 一條   不過食完之後就覺得好舒服   個頭無咁痛   同埋精神番 dd   里奧大人話驚我仲暑添呀   暈咗就慘啦   佢抱唔起我嘛   但會拖我去餵老虎賺番筆   嘻嘻 ~

Meiji 唔會假嘛   哈哈

有個樹林真係好好呀呢

不過小朋友喺附近 vv   大人又喺度食煙   唉   多多都無用   入到去只係聞到尿味同煙味架咋   唔係新鮮空氣囉

又行下影下啦   諗住坐火車睇動物   不過勁排長龍   里奧大人驚我焗親   所以唔排喇   咁就周圍行啦 ~

呢日未完架 ^^