蒜汁洋蔥豬扒 + 髮菜蠔豉娃娃菜 ( 9-FEB-2014 )

( 9-FEB-2014  SUN )

今朝 10 點起身去太興食早餐   咁我同隔離單位嘅鄰居一齊搭 lift   佢問我開工未   我話上個星期五已經開咗工啦   我見佢個樣都好愕然   我心諗   星期五番工都番咗 2 日啦   有咩咁愕然   之後佢問我係咪前幾日嘅星期五呀   因為上星期五係新年喎   嘩哈哈哈哈   又係喎   無計啦   啱啱瞓醒嘛 ~

我入到太興先打比里奧大人   點知原來里奧大人啱啱先有位有黎   感恩感恩 ~   

其實我想食個扎肉辣肉碎米粉架   不過無咗   嗚嗚 

番到屋企抖多陣就番教會喇   我實在覺得自己好衰   太耐無番教會   靈命完全無成長過 ~

崇拜完畢就同里奧大人去百佳買菜   之後就番屋企喇   好鬼凍呀 ~

我熨咗 2 機幾衫   里奧大人就執自己嘢   3 點先食 tea   今次我要去大快活   因為佢 d 凍咖啡好好飲 ~

衰里奧大人   又証明佢聽我講嘢都唔用心聽嘅   求其答我好好好   哦哦哦   因為我之前同佢講話去大快活食   係因為佢 d 份量夠哂細   同埋我唔太餓   話會比一半燒鵝瀨佢食   點知我一見到佢個餐咁多嘢食就驚啦   佢話餓喎   我咪話頭先同你講咗 share 我個餐嘛   暈

燉好肉汁又執屋啦   之後 6 點 45 分就開始煮飯 lu ~

是日晚餐 - 蒜汁洋蔥豬扒 + 髮菜蠔豉娃娃菜

蒜汁洋蔥豬扒 - 今次 d 雞扒醃得好夠味呀   個汁又好味   我好開心呀   里奧大人話我煮嘅時候   都聞到好香呢 ~   

髮菜蠔豉娃娃菜 - 加埋 d 娃娃菜就無咁鹹   好味好多   上次食真係好鹹呢 ~

搞掂哂就沖涼   之後就休息睇電視劇   睇到 11 點半就瞓 lu ~