食食食 ♡ 番禺長隆景區 + 珠海 + 澳門美食純玩 3 天團 Day 1 (Part 2/2) ( 3-FEB-2014 年初四 )

繼續行程 Part 2 ( 3-FEB-2014 ) 

又無得坐車睇動物   咁又有大把時間   咁就去睇老虎   順便睇埋白老虎表演啦   因為 4 點有得睇嘛   哈哈 ~

識望鏡頭噃   哈   同埋個身肥嘟嘟   好想拻下佢呀   哈哈

好 warm 呀

白雪雪真係好靚   呢隻好似瘦咗 d 咁

頭大身細   好搞笑

妳有妳影   佢有佢瞓   爽

另一邊就有人拋 d 肉比佢地食   不過隻白老虎好懶   成日唔郁

爭食呀   白老虎吼咗一聲   勁響亮呀   心都寒埋

以為無咩人睇白老虎表演添

未開 show 之前   d 人會落去同老虎近距離影相

做完一個動作   馴獸師就會餵嚿肉比佢食   有一 part 係馴獸師咬住嚿肉餵比獅子食   我唔覺得驚險   我只係覺得好嘔心   生肉黎架   點擺得入口架   真係搵食艱難 @@

過場時就有小丑出黎搞下氣氛咁啦   好在我地坐得高   同埋又無掟黎呢邊   唔係 d 人發顛都似   坐我地後面嘅女仔   7-8 歲左右啦   對腳係咁踢我地張櫈   我望佢一次佢又係踢   之後停咗無耐就踢得仲勁   我即向後啤住佢  對住佢 "hey" 咗一聲   之後無再踢   不過我應該睇睇下老虎時瞓咗   半夢半醒有人打我個頭   我一望就見到係後面個女仔向前走   幾鬼衰呀佢

到老虎出場喇

大合演   我就咁見到都嚇到腳仔軟   哈哈


全部立正   勁呀

睇完行陣又黎料   所以又食支雪條   呢枝 RMB 8   umm   食完果刻真係舒服好多架   不過之後個頭都一樣痛 ~

抖咗陣就出番去喇   不過我想再睇多次獴仔呀   所以睇小咗好多動物   哈哈 ~

龍貓   個樣好似好唔開心咁嘅

獴仔   再見喇   應該唔會再黎探妳地架喇   應該 ~~~~

里奧大人係都要我帶住頂住黎影相   叫咗幾次   比佢影完之後就無再嘈   襯我病攞我命定啦

5 點 15 分就出發去酒樓   我要問團友借 Panadol 呀   最邪係今次里奧大人拎嘅平安藥   居然無帶頭痛 Panadol   如果唔係就唔駛問人借呢   我見到隔離枱嘅團友都要食 Panadol 呀   團友話長隆真係好焗囉 ~

呢餐美食係 " 至尊佛跳牆風味宴 "

燉雞湯 - 好味   因為夠熱   哈

勝瓜炒蝦

咖哩排骨

雞 - 都知道每餐都有雞架喇   所以今餐都照食 lu

炒椰菜

炒河粉

燒鴨定鵝呢

蒸魚

食完飯就番酒店   差唔多 7 點就到   都好快呢 ~

大堂都幾 grand

我好鍾意呢個掛飾

大堂另一邊

上房喇   都好有特色喎

我地住 7 樓

大陸酒店黎講   呢間真係算五星級   唔係自己比五星級果 d 呀   間房都好乾淨架

仲有屈臣氏礦泉水

估唔到有得焗桑拿   如果唔係攰   我都想焗下呀   瘦 1 磅都好丫   哈哈

之後食下零食睇下電視   估唔到佢地播 d 電影都好新   有 "風暴 "   不過我睇下瞓下咁囉 ~

經過上次韶關一役   我話去大陸一定要帶零食   呢度係兩晚嘅零食

其實我 8 點開始已經瞓下醒下    里奧大人就自己睇   睇到 9 點佢都話要瞓喇   因為今日真係超級勁攰呢 ~

呢日行程完畢