開年飯 @ 姑奶屋企 ( 官塘 ) ( 1-FEB-2014 年初二 )

蒸魚

腐皮卷

蒜蓉蒸帶子

臘腸臘肉炒芥蘭

燜雞翼排骨

煎蝦

生菜鮑魚

冬菇鴨掌

南乳齋

年年 d 餸都係凍嘅   我話應該煮小幾個餸   咁樣就唔會樣樣都凍哂囉   凍咗真係好難食囉   唉

( 1-FEB-2014  SAT  年初二 )

今日大食表妹會同我拜年   我得一千零一個人黎我屋企拜年架咋   嘩哈哈哈哈 ~

教咗 10 點鐘起身   順便食早餐啦   不過茶餐廳要等位   所以差唔多 12 點先番到屋企呀 ~

大食表妹 12 點準時到我屋企   但我要沖涼   叫佢同里奧大人傾住計先   哈 ~

佢居然記得我鍾意食花街   仲要係我同家姐每人一盒   唔通剪髮表妹叫佢識做  d   哈哈

傾到差唔多 12 點半就走人喇   去埋美心買生日蛋糕   佢記得我同媽咪係 2 月生日呀   真係好有心 ~

糟糟同籮籮同我差唔多時間到酒樓   之前佢只會上媽咪屋企拜年   咁我就問佢呢日同唔同我地飲茶   估唔到佢話去   本來諗住去德福美心   不過佢 say no   話要去嘉華飲茶   佢鍾意去舊式酒樓飲茶   可以食懷舊點心   可能佢地喺外國生活咗一段長時間啦   所以勁鍾意飲茶食點心呢 ~  

咁我去到酒樓   家姐話叫咗 d 點心   我話叫咗幾多先   佢話糟糟頭先已經點咗 10 樣   咁我話黎齊哂先再點啦   我好飽   食唔落呀     

  

我就唔餓   所以就講多過食喇   所以只係食咗 2 嚿金錢肚同幾嚿乳豬啫 ~

差唔多 3 點就走喇   之後一齊上媽咪屋企再食過呀 ~   

食完蛋糕再一齊撈生   好鬼開心呀 ~

糟糟佢地 4 點就走   我地就坐到 4 點半   咁家姐就陪大食表妹去搭車   我就同里奧大人打的去舖頭 ~

里奧大人話餓喎   要去大快活食 tea   咁我一定唔食啦   因為仲好飽 ~          

7 點打的去大姑奶屋企   好感恩有的士咋   唔係又要等好耐呢 ~

食下傾下   9 點幾走喇   2 姑奶車埋我地番屋企   咁又唔錯呀   哈 ~

聽朝要 8 點起身呀   因為聽朝姑姐姑丈同媽咪飲茶   我地又去呢   但今晚又係 12 點幾先瞓到   夜瞓早起   呢 d 唔係我 style   嘩哈哈 ~