金腿瑤柱蘿蔔糕 + 如意馬蹄糕 again ( 2-FEB-2014 年初三 )

( 2-FEB-2014  年初三 )

今朝 8 點起身呀   好眼瞓添 ~

姑姐 姑丈 9 點幾都黎咗酒樓喇   不過 11 點半要交枱   所以食完就上媽咪屋企坐下   再繼續傾計 ~
Samsung 手機影出黎嘅色真係好唔得   所以次次一用手機影相   我就好掛住 iphone 呢   佢 d 色真係靚靚靚靚靚靚好多囉   唔駛教任何嘢都影到好似相機一樣色架  

我好鍾意姑姐嘅性格架   好樂天   成日笑   咁樣真係人都開心 d 架   如果媽咪係咁就好 lu   姑姐話依家佢年紀大   每朝醒咗就當賺一日架喇   所以要活得開心呢 ~

姑丈仲勁   日日去游水架   游冬泳添呀   不過如果太凍嘅話   表哥佢地一定唔比佢游囉   我 d 表哥又係好細心   我覺得佢仲細心過我對媽咪添呀 ~

衰里奧大人又唔記得拎罐曲奇比媽咪朋友   所以我地就去媽咪屋企   佢自己就番屋企等我地囉 ~

差唔多 12 點就走喇   因為我地要去媽咪朋友屋企拜年呢 ~

家姐啦   成日話有路就行   點知兜咗大運都搵唔到   又熱辣辣喎   我話打的   佢地又唔比   最終都要問人啦   哈哈 ~

去到第一件事係即刻比部手機媽咪朋友喇   之後里奧大人就教佢用   因為我無里奧大人咁有耐性   嘻嘻 ~

之後媽咪朋友就煮湯丸比我地食啦   佢煮咗 2 包利川花生湯丸   但佢又唔食   所以我同家姐每人 7 粒   里奧大人就 6 粒   食完飽到呢   我覺得好似食咗一年嘅份量咁呀 ~

差唔多 3 點半就走喇   諗住食傷心酸辣粉   不過年初五先開呀   家姐勁失望   所以佢唔駛食傷心酸辣粉都好傷心   呵呵呵呵   抵 ~  

本來想食壽司   不過無哂迴轉壽司食   得拉麵   我地唔想食   所以轉去大家食啦   辣菜甫好味嘛   家姐一聽到辣字就好開心架   痴線 ~

韭菜餃子 

豬油渣刀削麵 - 我同家姐 share 食   呢間嘅辣菜甫夠哂辣   正鬼到呢

魚腐豬油渣刀削麵

食完之後   家姐番屋企   我地就去買 HDMI 線   感恩買到呀 ~

坐 van 仔番屋企   抖到差唔多 7 點幾先煎糕   食完呢次之後   我真係好驚   哈哈 ~

沖完涼又睇電視劇喇   差唔多 11 點幾先瞓   聽朝仲要 6 點起身添   oh ~