食食食 ♡ 番禺長隆珠海澳門 美好回憶記錄

今年新年假期   我係初六開工   里奧大人就一定要初八番工   因為 CEO 講明所有人都一定要去食 Annual Dinner   咁佢上年又無去   CEO 又開到口叫佢去   所以唔去唔得囉 ~

就係咁   所以去唔到 5 日4 夜嘅旅行   因為我想初一初二留喺香港   雖然一家人一齊食飯成日都可以   不過新年一家人食飯   真係特別有新年氣氛咁架   同埋我去完旅行又要抖番一日先有精神番工   所以都唔可能去東南亞 lu ~

咁去中旅社睇資料   諗住近近地去澳門 3 日 2 夜啦   就咁駿景同 Rio 要 $5xxx 一晚呀   平時只係 $9xx 一晚咋   同埋新年期間都 full 哂添   因為好多大陸人去嘛   同埋 $5xxx 呢個價係去到初六   咁我都唔去啦   一晚 $5xxx   講緊係澳門喎   完全唔值 ~

但我又勁想去旅行   比我見到 " $1999  三日番禺長隆景區 + 珠海 + 澳門美食純玩三天團 "   咁我想去澳門嘛   所以問里奧大人好唔好   佢話 ok 無問題   咁就即報名 lu ~

報完名之後   我完全唔記得咗長隆喺大陸   係里奧大人係咁話我 " 以後講嘢唔好咁肯定 "   我先醒起長隆喺大陸   因為我講過話 " 肯定唔去大陸玩嘛 "   哈哈   又衰咗 ~

umm   我無諗過長隆咁多人去囉   因為我成日覺得 d 大陸人會番鄉下過新年   唔會出黎玩家嘛   點知原來只係我一廂情願嘅諗法 ~

呢個行程  最開心係見到獴仔

今次好感恩   同團友都有傾講   仲可以比我影到 d 食物相做記錄添   哈哈 ~

最鍾意食點雞嘅豉油   好好味架   甜甜地   我好多時都豉油撈飯呢

住宿都 ok 啦   去得大陸旅行   仲要係咁嘅價錢   我絕對唔會有任何 expect   不過當然最好就唔好立立遢遢就得架喇 ~

呢間酒店真係五星級架喇   好乾淨

我最期待係去澳門   去澳門呢日   我地朝早仍然喺珠海   見到個天灰灰暗暗   同埋天氣報告都話會落雨   不過我話如果去到澳門   天色灰灰暗暗都無咩問題   最緊要係唔好唔落雨就得呢 ~

好感恩去到澳門係陽光普照   咁影相都影得開心 d 啦   因為我地拖住個喼嘛   落雨比較麻煩 d 囉 ~

大三巴

今次經歷唔錯架   因為頭痛到爆   又拖住個喼周圍行   哈 ~

但其實今次我最開心係里奧大人完全無 check 過公司 email   就算酒店有 wifi   佢都無 check 呀   實屬罕見囉   所以見佢呢幾日咁 relax   我都好開心   覺得自己無揀錯   就算大陸都照去   哈哈 ~

最鍾意里奧大人拎住相機周圍影呢

團費 : HK$1,999/位 x 2
導遊及領隊費 : HK$$60/天 x 4
保險 : HK$54 x 2