今朝 7 點半 morning call 不過我地多數早半個鐘起身 唔想咁趕 ~
尋晚瞓得唔錯呀 所以今朝好精神呀 勁有食力添 哈 ~
天陰陰
d 嘢食好似食剩咁 但我地已經算最早到喇噃 即係無人執過啦 恐怖
我屋企個廚房係咁就好 lu 我實在好鍾意紙皮石呢
即刻諗起 Marriott
但一望就知唔香脆囉
咁早食薯條 ?!
熱辣辣嘅粥
好似幾好味咁 不過我無食呀
我好鍾意里奧大人影嘅呢張相
d 人話拎就拎啦 理得妳寫咩
睇到呢兩句就覺得好諷刺
咖啡唔錯喎
皮蛋瘦肉粥都唔錯架 d 粥好綿 天氣凍凍地 食粥就最好 哈
糯米雞唔熱 @@
炒河粉仍都唔錯架
里奧大人嘅早餐
環境其實真係唔錯呢
食完又周圍影啦 ^^
窗口好古色古香
總統房
沿途
一家四口 勁
到神秘果園喇
咩都鍾意形容為天下第一 @@
白色呢點係神秘果
入去試食 lu
我買咗 RMB 40 龍眼肉同 RMB 30 抗菊
各就各位
試食開始
食完神秘果 之後食咩都係甜 大約半個鐘之後 味覺就會正常番架喇
真的嗎 ?!
一望無際 好舒服呀
出番去嘅時候 發生咗段小插曲 就係司機開得快 又睇唔到膊位 所以我地好似遇到氣流咁樣拋咗上去呀 同埋 chok 咗一下好勁 之後聽到坐最後嘅 2 個小朋友係度喊 原來佢地個頭撞到天花板呀 勁驚啦 如果流血就麻煩喇嘛 最搞笑係司機話叫佢地坐中間位 ( 最後排係 5 個位 一家四口坐嘅 ) 個媽媽話坐中間咪直飛出去囉 好在最後都無事 之前我都同里奧大人講話呢個司機揸得快 見車片車咁架啦 @@
試食完又買下嘢 之後出發去酒樓 lu ~
12 點 20 分到酒樓 今次食藥膳乳鴿打邊爐 咁燥熱都有嘅 哈 ~
呢餐美食係 " 寶鼎鴿皇火鍋宴 "
時間關係 所以咩都放哂落去一齊滾
乳鴿飯 但 d 飯好林 都係食白飯好 d
1 點半出發 差唔多 2 點 15 分到 石林風景區 喇 ~
坐吊索好驚啦 好似好唔穩陣咁 由我見到架吊索第一眼 我已經好驚 估唔到係坐呢 d 全程手腳硬哂 仲唔比里奧大人周身郁呀 哈 ~
我有畏高家嘛 所以我見到咁樣已經好驚 我坐海海公園嘅吊車都驚 何況呢 d 就係咁 嚇到我連里奧大人同我講嘢 我都唔知 哈哈
有工作人員叫妳企定 企喺 "紅色腳印" 位置
吊車一到 就會推妳上去 真係矮 d 都趕唔切坐上去架
坐好就拉安全帶落黎
呢日未完架
繼續長聾三之之~~ 午安好呀 又衝鋒完一輪 呼~ 冇佐老闆真係乜都urgent晒...佢實在幫我地擋佐好多嘢
回覆刪除今日食佐乜呀? 我地又有銀行請食lunch hehe 又可以慳番餐
好離譜喎 未開始就好似食淨咁...見到都唔開胃喇 仲要有蚊滋添...噢~ 不過大陸酒店啲早餐都唔好expect好好味喇 我都會選擇粥食 起碼熱辣辣食完唔驚肚痛先喇
試食咁細粒神秘果仲要加片檸檬咁攪笑既 粒果好甜架? why食完佢再食乜都好甜架同埋有乜功效架
乳鴿打邊爐真係未試過 好唔好味架
木呀 ~~~~
刪除慢慢做就最好啦 ~
妳成日都同 banker 食飯都唔錯 所以做 a/c dept 係最好 好多時有 free lunch 哈哈 ~
係啦 去大陸唔好有任何 expect 佢地咩都做得出 理鬼得妳 ~
我覺得食粥最穩陣 因為佢地都會食 哈 ~
神秘果好怪就真 食完之後再食檸檬 塊檸檬係甜 不過變咗好假嘅甜檸檬味 好化學囉 所以都無理佢寫有咩功效 哈 ~
乳鴿邊爐其實味道 ok 不過咁多隻一齊浮下浮下就恐怖咗 d 啦 ~
畏高笠..大陸d吊車~無畏高都驚啦大佬..你知大6 d野有幾安全(冏)
回覆刪除個神秘果講到好詭異就真~食左半個鐘咩都甜..你食完有無feel到
有無食之前試左食其他生果再食? 古古怪怪咁
你話chok果下都好勁喎~飛左上車頂..後尾有無人投訴? 痴鬼線架..趕收工咩
依日個lunch ma ma地吸引~太多鴿又滾滾下..心理上有d唔知點咁=.="
笠子 ~ 無錯 喺大陸坐吊車真係好鬼驚 因為佢地 d 嘢實在太安全喇 ~
刪除我都覺得神秘果好怪 我食咗之後再食檸檬 真係變甜 但個味好怪咁 好假嘅檸檬味咁 所以其實都唔知食黎有咩意思 哈哈 ~
架車 chok 果下真係好勁架 有離心力喎 所以呢個司機好唔掂 應該無人投訴啦 講黎都無用 講真 ~
yeah 我都覺咁多乳鴿一齊淥有 d 恐怖 所以我食咗好小 好在有 d 肉丸同菜 唔係唔飽 哈哈 ~