ME.N.U @ 九龍灣 ( 10-FEB-2014 )

我見到有個男仔食一個部隊鍋   超勁呀   因為我地兩個人食都覺得超飽嘛    

我好鍾意韓國 d 碗同筷子

部隊鍋係橙紅色   芬達同紙巾又係橙色   加埋里奧大人着橙紅色線衫   我又拎橙紅色袋   搞笑 

( 10-FEB-2014  MON )

今日凍咗好多喇   市區好似得 9 度咋   woo ~

早餐食芝腿治烘底   飲埋咖啡都好似唔係咁精神添 ~

番到菇場都知今日會忙   所以就好好享受一下自己嘅私人時間   咁 10 點左右里奧大人打黎   話今晚打邊爐喎   因為難得咁凍   我更無問題啦   哈哈 ~

同佢講完電話之後就忙喇   因為 Partner 做埋今個星期   所以咩都要跟哂   條友個身又成陣味   又要同佢坐埋一齊   搞到我勁反胃   同埋佢真係好不知所謂   講 d 唔講 d  好在有同事一齊跟咋   咁佢想唔講都唔得囉   呵呵 ~

我最唔鍾意佢成日話咩妳唔識   咩妳唔知   所以我用好唔客氣嘅語氣話佢   妳唔好 expect 我咩都識咩都知   依家我接手   好多嘢係應該由妳教   唔係由我問   因為我完全都無接觸過   不過佢走咗之後   都應該有唔小手尾跟架喇   佢 d 咁嘅人   做嘢不嬲都鍾意瀨三瀨四 ~

突然太多嘢要記   有 d 壓力   所以都無咩胃口食 lunch box   掉咗 2/3 呀 ~   

2 點半又黎忙喇   又要記嘢   勁眼瞓呀 ~

忙到放工都未完   不過我都要走喇   要去睇中醫呢 ~

好感恩去到有得睇   脾同肝都靚   但硬係成肚風   醫師話脤卜卜好得意呀   暈暈地 ~

6 點 45 分搞掂哂   不過里奧大人仲未放工   所以番屋企等佢 lu   終於覺得有 d 餓   咁食住蛋散等佢啦 ~

正隆行嘅蛋散好脆   但無南乳味   
里奧大人差唔多 8 點半先放工   但我話想食濕嘢   所以去食部隊鍋喇 ~

食完就番屋企喇   沖埋涼睇多陣電視   今晚早瞓啦   11 點就瞓   因為我今日用腦用得太勁喇   哈哈 ~