生炒排骨 - 呢個我叫架 見到人地食好似好正咁 因為我好小主動叫生炒排骨呢
豆豉鯪魚油麥菜 - 真係食九十九年 最慘係無味 又油喎 都唔明點解仲要叫黎食 @@
黑椒美果牛柳粒 - 一般啦
鎮江骨 - 姑奶係都叫黎食 其實 3 個餸都食唔哂 最後佢又打包 之後放入雪柜 擺到唔知幾耐又掉 唉
( 2-MAY-2015 SAT )
起身番工果下 開心到呢 ~~~~ --_--
早餐食奶油脆豬 好好味呀 ~
無 mood 呀 所以唔做 report 住 load 哂相先 揀到 11 點 眼又濛又想嘔 所以做番 report 喇 哈哈 ~
想去買遮臉罩同背囊 咁里奧大人話出去波鞋街睇下喎 咁好啦 放工即坐小巴出去 等咗幾架車先上到車 勁驚無車呀 ~
我出到去旺角 里奧大人先啱啱有小巴咋 咁我一路行一路等啦 終於搵到個遮臉罩 不過等埋里奧大人一齊睇先買 ~
嘩 行下行下都已經 1 點 40 分喇 勁餓呀 可能又焗熱 我直頭有 d 暈暈地嘅感覺 咁啱去緊鉅記 諗住試食杏仁餅 不過等過馬路時 見到里奧大人坐喺小巴入面 我即停低對佢揚手 佢又見唔到 咁車入面個女仔知我想叫里奧大人 諗住叫啦 架車又開前咗小小 之後又停 我又再揚 好在里奧大人都諗住落車 唔係有排塞 ~
嘩 好在拖住佢都好 d 起碼暈都有人知嘛 哈哈 之後即搵嘢食喇 想食削搖麵辣菜甫 不過無位 即轉場喇 去食海南雞飯 雖然地方勁迫 但估唔到食物都幾有驚喜 ~
牛丸湯金邊粉 - $23/碗 抵啦 同埋好味喎 有驚喜 哈哈
泰妃雞飯 - 油飯好味 d 雞都滑 不過我唔想食啦
個汁酸酸辣辣都唔錯
椰汁涼粉冰
食完就充滿力量 搵唔到心水背囊 所以就去買遮臉罩喇 $289 有 9 折 好在有折 我依家行山唔敢搽 cream 同防曬 試過幾次流哂汗 之後塊臉即敏感 但有次無搽 cream 同防曬 流完汗都無敏感呀 但勁驚出斑囉 好大鑊架 所以一定要買遮臉罩呢 ~
買完嘢就叫里奧大人陪我行花園街 呢下感覺到佢對我勁好 佢次次都企喺 Boutique 門口等我 條街好焗嘛 但佢點都唔入 Boutique 話多人呀 哈哈 ~
真係次次佢要買嘢比我 就一定要買到為止 今日超感恩 因為間舖頭要搬 做清貨價 買咗件防水風褸 款同料都唔錯 真係無諗過只係 $100 因為去舖頭睇 起碼要 $800 但我又唔捨得買 因為我其實唔太鍾意風褸 哈哈 但係諗住去旅行着 所以要買囉 ~
買完再去買 4 碗芝麻糊番屋企 坐小巴真係好快 想抖耐 d 都唔得 嘩哈哈哈哈 ~
番到九龍灣已經 5 點 咁想去麥記飲咖啡呀 清埋最後一張 coupon 我呀 真係太論盡 拎咗張 coupon 同 1 個十蚊銀放喺枱 咁我見到梳化枱有人啱啱走 我即飛去坐啦 之後玩玩下手機 先醒起無拎張 coupon 同大蚊銀 勁心痛呀 後尾都係問番 d 阿姐有無見到 好感恩阿姐收埋咗 咁我就唔駛蝕喇 ~
飲完抖陣就番屋企開機洗衫 再飲埋湯 今晚去舖頭 所以約埋姑奶食飯 差唔多 8 點半先出門口 搞掂哂就去食飯喇 ~
紅蘿蔔牛蒡粟米豬骨湯
10 點半先番到屋企 勁攰呀 沖埋涼 抖咗陣 share 食一碗芝麻糊 12 點幾先瞓 ~
生炒骨,浙江骨。差不多一样。叫2个一样的送一定吃5晒咯。
回覆刪除打令 我都同妳諗法一樣啦 妳話佢係咪好頂癮呢 哈哈 ~~~~
刪除