稻香 @ 九龍灣 ( 22-MAY-2015 )

家姐第一時間去拎辣椒豉油

鴛鴦湯底

手打墨魚滑 - 我一放入口   即刻同佢地講個口感好怪   原來佢地都覺呀    林 pat pat 嘅   下次一定唔會叫      

鮮蝦雲吞 / 鳳城水餃 - 好多時都叫黎食架   鍾意佢地乜肥豬肉呢     

紅薯粉 - 口感都 ok   起碼唔係林   哈哈 

牛筋丸 - 我地鍾意食丸  

鮮滑牛肉 - ok 架 

( 22-MAY-2015  FRI )

今日 friday 就真係 happy friday 喇   因為聽日 off   星期一又放佛誕假期   連放 3 日勁正 ~

有 d 餓   咁就食芝腿治喇   依家阿姐好醒   我一話烘底   佢就會話大火   我飲奶茶  佢就話小奶   唔駛我講咁多嘢   哈哈   阿姐真係好有 heart 呢 ~

菇場唔忙   但四大天王番哂黎喇   係時候要乖乖地做下嘢喇 ~

一田又黎大減價   所以 lunch 去買嘢   買完都 12 點 45 分   好感恩排隊只係用咗 20 分鐘   算勁快添喇   因為上次排咗起碼個半鐘   仲要龍尾唔知邊度呢 ~

買完就買粉果同炒米粉番菇場食喇   好耐無食   覺得好鬼正   哈 ~

放工去探媽咪   去到巴士站又忍唔住落一田再買西柚汁   咁順便買多 2 樽黑芝麻粉   買完即飛去搭車   好感恩去到即有車呀   所以 6 點 10 分已經到醫院 lu ~

果道太郎魚柳 ( $48.90 ) - 我一心係諗住同家姐 share 食嘅   咁我比家姐嘅時候    佢第一句話妳又買咗呀 ?!   原來佢同同事講話阿妹鍾意食   所以買包比我   咁我叫佢即打番比同事話唔要啦   一 pack 已經好夠食架喇 



SUNTORY 西柚汁 ( $49.90 / 6罐 ) - 里奧大人好鍾意飲架   雖然 expiry date 係 9月   但都係想買 12 罐   因為平時好似要 $13.90/罐架

馬玉山黑芝麻粉 ( $39.90 ) - 又係抵   所以買 2 樽  

三祖紫菜 ( 無味精 ) 16 包 ( $33.50 ) - 未食過   不過好似好抵咁   所以買黎食   希望好食啦   哈哈

天狗網黑椒味 ( $17.50 / 2包 ) - 我好鍾意食呢種零食架       

媽咪瞓覺   瞓到差唔多 7 點半   里奧大人咁啱放工   所以我其實勁想走   因為我好凍呀   但家姐話塞緊車   要 7 點 45 分到   咁就等埋佢啦   探到 8 點 05 分就走喇 ~

今日又照唔到超聲波   咁我問咗姑娘   佢話最快都應該要星期二先可以照   咁無計啦   繼續等囉 ~      

約咗里奧大人去稻香打邊爐   所以坐的士走喇   兜埋工人番屋企   之後再去落淘大 ~

食下傾下   講講下又話我細細個已經好鬼惡死   不過我都認架   記得有份工   老闆企喺我面前聽住我傾電話   我都唔驚架   之後佢話我唔可以傾電話   我好惡死話 : 我唔識路你教我去呀 ?!?!   有次我去完洗手間   佢又居然話我成日去洗手間   因為去洗手間要經過佢間房嘛   咁我話急尿唔通唔屙呀 ?!   睇住佢塊臉真係紅哂架   不過我無理佢   講完即出去 ~

之後家姐仲搞笑   佢話佢第 1 份工比 admin 鬧   佢只係坐喺自己位喊   唔似我咁鬼惡   又話細個嘅時候   同我一齊行街   有個男人好大力撞到家姐   我好惡咁話邊個撞妳 ?! 死八公   家姐話佢比人撞完   人地行咗好遠先同我講   可能驚我個男人練過   哈哈   依家真係無咩火啦   人大咗   真係唔鍾意嘈嘈嘈   最多黑你臉   哈哈 ~

食到差唔多 10 點就走喇   家姐鍾意食完鹹要食甜   咁但大家都好飽   食唔到雪糕   家姐無啦啦彈咗句話 : 不如買爆谷食丫   我同里奧大人話佢痴線咩   食爆谷好飽肚架   唔好搞我地 ~

里奧大人拎 d 嘢番屋企先   我就送家姐搭巴士   好感恩去到即有車呀 ~

番到屋企即 pack 嘢   之後先沖涼   再睇下電視   12 點半先瞓 ~