Pizza Hut @ 九龍灣 ( 7-MAY-2015 )

黃金熔岩批 ~ 燒烤誘惑 ( 燒烤雞粒 / 煙肉粒 / 風乾豬肉 / 乳酪芝士 / 桃粒 / 車厘茄 / 黑橄欖 / 蘑菇 / 紅椒 / 意式香草醬 ) - 我唔明有咩咁誘惑囉   哈哈   不過我食咗一件半就已經飽哂 @@   剩咗 2 件就叫家姐打包    

意式蒜茄豚肉雞翼意粉 - d 汁好似想瀉哂出黎咁   同埋都無味嘅 @@ 

黑椒海蜆炒意粉 - 完全無食過   所以留番比我做聽日嘅 lunch box  

肉丸配拿玻里醬汁 - 我無食呀   食剩 3 粒   咁我打包啦   留番聽晚食   哈哈  

意大利香草烤雞 ( 半隻 ) - 我無食呀  食剩半隻雞   又叫家姐打包   

紅湯 - 我唔想飲忌廉湯   驚飲完好飽   但紅湯真係好唔掂   無味又好稀   里奧大人飲剩一大半   我仲以為佢倒咗水落去添呀   因為碗湯凍咗之後   真係好淡色囉  

紅莓夢幻 - 家姐話上次飲緊嘅時候   就話我一定鍾意飲   哈哈   都幾好飲   酸酸地好緊要架   因為食 pizza 好漏呢 

( 7-MAY-2015  THU )

尋晚瞓得都唔錯   感恩感恩 ~

早餐食奶醬多   其實真係勁想食燒賣   搵日真係要去買燒賣食先   食到驚就唔駛成日再諗佢   哈哈 ~

菇場唔忙呀   所有大粒又唔喺度   勁 free 呀 ~

要去買雜誌   咁順便買埋車仔麵番菇場食   不過開始有 d 厭喇   因為我來來去去都係果 d 餸   哈哈 ~

好嘢   準時放工   今晚同媽咪去 Pizza Hut   咁我拎埋湯同生果番屋企先   之後再落黎 ~

里奧大人 6 點幾打黎話今晚一齊食   咁又好喎   好難得可以平時夜晚同媽咪一齊食呢 ~

家姐 7 點到   無耐就里奧大人到   一齊食一齊傾   8 點半就走喇 ~

里奧大人番屋企先   我就送埋媽咪家姐搭車   之後屋企抖陣   再開機洗衫 ~

今晚收到冰姑寄比我嘅郵包   實在太客氣喇   一講鍾意啫   佢就會問好多嘢   之後就想買比我   真係唔敢再講真心說話囉 ~~~~

估唔到 m 記會出青蛙   我好鍾意呀  

花花裙   質地超舒服    

                  
9 點 15 分一齊出去徑步喇   出面勁焗熱   行咗 1 圈晨運徑就已經成頭汗   諗住行 20 分鐘算架喇   但行下行下又半個鐘   所有之後係成身成臉都係汗   好爽呀   哈哈   因為呢幾日食咗好多嘢   真係想郁下囉 ~

番到屋企即沖涼   之後抖喇   今晚都係 11 點半前瞓   因為次次一過 11 點半瞓   朝早唔願起身架 ~