Part 3/3 新派意法菜 ( Surprise Restaurant ) @ 銅鑼灣 ( 1-MAY-2015 )

( 1-MAY-2015  FRI ) Part 3/3

行到 4 點半有 d 攰呀   唔知係咪因為頭先喺銅鑼灣已經出咗一身汗呢   因為里奧大人覺得我今次行得慢咗   仲要係平路喎 ~

有隻蝴蝶

顏色好靚

有隻蜜蜂   但其實再低 d 係有好多蜜蜂架
 

睇咩呢 ?!   我會望花草樹木多 d   哈   

差唔多行完 

好似影到個山出哂煙咁   哈 

眉飛色舞嘅樹枝 ~~~~

                   

唔知點解   我好鍾意呢張相

如果晚晚可以喺咁嘅環境下徑步就好 lu

影到好似隻獅子呢埋咁   哈

差唔多 5 點就去到個亭   我真係要坐下喇 

夜晚真係見唔到佢架   哈哈  

兩隻狗仔

里奧大人就好似啡色隻狗咁   成日行到咁邊邊   我就似八哥咁   行到埋一埋   嘩哈哈

一跌落去   就唔知碌咗去邊架喇   真係好危險囉

兩隻狗嘅主人就向左行   隻啡色狗唔係咁聽主人話架   頭先主人叫佢唔好行咁開   佢就走咗去唔理主人 

呢期 load 相 load 到暈陀陀   仲以為咩係 "米晨 " 添 @@

里奧大人初初話   拎住支行山仗去 shopping 好搞笑   但其實最後都唔駛拎出黎   哈哈

行到 5 點 15 分就行哂 lu   咁就去山頂廣場睇奈良美智嘅個人展覽喇   睇完再去唔知邊影相   最後去雙妹嘜買咗支指甲油就搭 15B 走喇 ~   

大霧到呢

好多人買嘢飲

好嘢   終於可以認真睇佢喇

里奧大人知我好鍾意   所以係咁影   哈哈

                    

超勁大霧   完全係白茫茫一片啊

濛到呢   差 d 以為自己老花   哈哈  

濕氣太重   要走喇  哈哈

5 點 45 分走人喇   等咗 15 分鐘車左右   差唔多 6 點半落到去 Sogo   咁要食嘢 lu   因為一陣仲要去 Sogo 買嘢 ~

墨西哥辣肉醬長通粉 - 唔記得幾錢    好似 $5x   好抵囉   同埋無諗過份量都幾多   d 肉醬越食越辣   所以最後要我食哂  

西班牙海鮮意大利飯 ( $86/餐 ) 有湯 + 飲品 - 估唔到好味喎   真係好有驚喜        

食到差唔多 8 點就走喇   去 Sogo 睇背囊   但睇唔啱   之後上 21 樓特賣場睇下   估唔到有筍嘢   就係見到 K-swiss $500 / 2對鞋   咁呢下里奧大人真係好難忍手喇   最正係可以一對男裝一對女裝嘛   我絕對承認一買嘢   我真係會忘我境界唔理人架   因為里奧大人同我講   佢明明問緊我緊灰色筒鞋定波鞋好   佢講到一半   我已經飛咗過對面睇女裝   哈哈 ~

佢成日話我   一入到舖頭呢   個頭係左擰右擰   對眼係咁橫掃所有嘢   好似隻禿鷹咁   大佬   買嘢係咁架啦   唔啱即飛   唔會嘥時間   寧願將 d 時間用黎睇自己鍾意嘅嘢好過 ~

搭 619 番屋企   好感恩有孖位座   不過個衰佬   成日話 "最唔想嘅事情又發生咗   想靜下都唔得" ~

番到屋企 9 點半喇   開機洗衫就即沖涼喇   其實今日有 d 焗   所以成身立痴痴   勁辛苦 ~

同里奧大人一齊睇戲   佢又食薯片飲啤酒啦   咁都好   可以 relax 下   哈哈 ~

辣味薯片一 d 都唔辣 @@

但我地差唔多 1 點先瞓   我就辛苦 d   聽朝要起身番工 ~~~~~~~~~~