松子仁炒粒粒 + 煎午餐肉 ( 4-MAY-2015 )

( 4-MAY-2015  MON )

慘   隻左眼超級痛   好似有眼吉住咁   係咁流眼水   但過一陣又好似無嘢   但之後又痛過啦   睇黎應該痛成日 lu ~

食完早餐諗住走   點知 8 卦又黎食   遲咗小小番菇場添 ~

丫   眼又痛   但要做 report   之後對眼超勁攰   最慘係做完 report 之後就勁忙   對眼係咁流眼水   唔知以為我做嘢辛苦所以喊出黎   哈哈 ~

食完 lunch box 就出去買脆肉瓜   再去一田買王林蘋果同點點綠黑芝麻粉   買多包士多啤梨味 Pocky 比家姐就番菇場喇 ~

忙呀忙   忙到放工都未做完   不過真係唔想做住喇   對眼好痛   嗚 ~   

放工即走   明明經過么鳳都唔記我買松子仁   嗚   又要落番去買過   嗚 ~

番到屋企已經 6 點半喇   要即煮嘢   因為我想快 d 食   之後去徑步 ~    

是日晚餐 - 松子仁炒粒粒 + 煎午餐肉 

松子仁炒粒粒 - 里奧大人上星期六話想食   咁我就整啦   反正我又鍾意炒粒粒   不過其實我今日係超勁攰   但買哂嘢就點都要煮囉   里奧大人一開飯壺   就笑住話 " 妳整咗呀 "   所以我話唔好食都要食哂   哈哈   好在佢話都好食 ~

煎午餐肉 - 激死我呀   本身諗住煎鯪魚餅   但唔知點解 d 鯪魚餅好濕   落埋生粉都有水咁   咁好啦   煎 2 條臘腸切垃   改為炒魚鬆啦   點知炒埋都係一 pat 嘢   嘥埋我 2 條臘腸添   好在屋企有罐頭咋 ~    

里奧大人  7 點半打黎話放工   咁我話等埋佢食完先徑步   但其實佢都攰   我洗完碗之後   佢坐喺梳化想瞓咁   咁叫佢   佢又話陪我徑步   但唔去啦   出面又焗   我其實都好攰   咁唔徑喇   之後我即沖熱水涼   等自己舒服 d ~

等埋里奧大人沖完涼就食芝麻糊   連續見佢 3 日   有 d 驚   哈哈~

對眼真係好鬼痛   加上我又攰   10 點 15 分即入房瞓喇 ~