肉眼扒配蟹腳配雞味飯 + 甜焗薯 ( $298 ) - 叫家姐食哂 d 蟹腳 我同表妹都唔食蟹 表妹話雞味飯好好味 我一睇就話好林 pat pat 好奇怪點解會鍾意食 因為佢鍾意食紅薯粉 煙煙韌韌嘢嘛 之後佢話今次 d 飯好林 平時食開唔係咁
雞肉拚燒蝦寬條麵 ( $148 ) - 個 Parmesan cream sauce 都幾好味 不過呢碟意粉份量好小 表妹都話呢間嘅份量係小 d
肉醬味肋骨土雞翼拚盆 ( $96) ( 自製烤肋骨 + 香辣炸雞翼 + 香脆薯條混芝士 ) - 最鍾意食拼盤 d 肋骨好多都骨肉分離 所以吉下吉下得番條骨唔出奇丫 咁表妹見到有條肋骨喺碟度 佢問係咪我食完放番落去 真係痴鬼線啦 嘩哈哈哈哈 我點會咁核突呀
d 薯條都唔多芝士醬嘅 我見銅鑼灣果間好多架 呢間 Outback 真係麻麻地
( 6-MAY-2015 WED )
天氣又開始潮濕兼翳焗 最驚就係呢 d 天氣 真係企喺度都已經出汗 oh no ~~~~
早餐又食番菠蘿油 聽埋 "江湖傳聞" 先食啦 點知塊牛油溶哂 我覺得無咁好食 ~
菇場唔太忙 希望今日都係咁啦 仲有相未 load 好 所以想快 d 整哂 唔想好似日日都整咁 好悶 哈哈 ~
今日又好開心呀 d 同事話我 d 炒飯好靚 好似喺街買果 d 咁 同埋好香喎 但我又聞唔到囉 不過佢地食 d 餸又超級清 所以見到我 d 雞翼咪覺得好好味咁囉 ~
我鍾意擺到整整齊齊 同埋我唔會將個 lunch box 放喺手袋入面 我 d 男同事嘅 lunch box 一係好似打風咁 一係就 d 飯餸迫埋一面 女同事果 d 都係好整齊嘅 所以一開就知邊 d 係男邊 d 係女同事架喇
無啦啦勁眼瞓 今晚仲約咗婆婆到剪髮表妹食飯 所以頂唔住要飲杯中國茶 飲完真係精神 d 呢 ~
放工即走 搭 5C 巴士 估唔到只係幾個站 我 5 點 45 分上車 6 點唔夠就到紅磡 咁我喺落山道落車啦 可以行下當運動 不過條街超勁焗熱 都有 d 後悔點解要咁做 哈哈 ~
估唔到剪髮表妹 6 點 15 分 whatsapp 話到咗紅磡 咁我約埋佢一齊去婆婆屋企喇 ~
佢又係超勁愛零食 所以叫我陪佢去卓悅買零食 佢送咗包 mix nuts 比我 又送咗包出前一丁海鮮杯麵薯片比家姐 算佢啦 哈 ~
買完都差唔多 7 點 要上婆婆屋企喇 ~
咁家姐又未到 所以我地落去金坊搵位先 要等一張枱 所以叫婆婆同工人等住先 我同表妹要去換番包炸魚皮 死嘢啦 揀咗包漏氣 穿咗個窿仔架 所以一定要換囉 ~
之後見到家姐喇 咁一齊行去金坊 但仲要等 咁我地話唔等咯 紅磡好多嘢食嘛 去第度好過 ~
諗住食韓菜 原來婆婆同阿姨成日食 咁去番 Alfafa 啦 因為原本就係去呢間 哈 但無咩人食 所以去 Outback 喇 好感恩啱啱有人走 我地即刻有位喇 ~
真係丫 里奧大人又 7 點 15分放工 我次次約人食飯 佢都係早咗放工 係咪咁邪呀 ~
食下傾下都 8 點幾 本來想食甜品 但表妹話飲咖啡 我話咪搞 同埋婆婆又唔飲咖啡 之後婆婆講話有間雪糕好味 有爆谷同埋唔知咩咁 咁我地就話去食雪糕喇 不過婆婆頭先講咗 2 間雪糕屋 我地以為有爆谷係呢間添 所以先食 食食下先問婆婆 點解無爆谷嘅 佢話唔係呢間 哈哈 咁唔緊要啦 下次再食過囉 ~
香蕉船 ( $59 ) - 無糖草莓都似山渣味 中間唔記得係咩味 lu 最右係杏仁唔知咩 味道似繽紛樂 不過好鬼甜 最後食剩咗個杏仁唔知咩
食完就送埋婆婆番屋企 我地就走喇 陪表妹去 7 仔買嘢飲 佢喺凍柜拎支綠茶出黎 咁我好順手關門啦 點知佢無啦啦又伸個頭入去睇幾錢 爭 d 一嘢拍瓜佢 個價錢牌又係奇怪 攝到好入好難睇 但家姐就話表妹仲奇怪 點會拎住出黎先睇價錢 哈哈 ~
家姐同表妹行同一方向搭車 我就去另一方向 諗住搭小巴 但我係第一個上車 又唔見有人排隊 所以即轉搭巴士喇 好在等咗一陣就有 15 號咋 感恩感恩 因為條街好鬼焗熱 好辛苦 ~
9 點 45 分上車 10 點 10 分就番到屋企 又好快喎 同里奧大人傾咗一陣就即沖涼喇 頭先真係行到流哂汗 哈 ~
攰呀 所以 11 點 15 分就瞓 我唔想又 11 點半先瞓 雖然 15 分鐘唔係好多 但起身果下好有分別架 ~
沒有留言:
發佈留言