元氣壽司 @ 九龍灣 ( 11-JUL-2015 ) ( 禁 )

芥辣八爪魚軍艦 / 蟹子沙律軍艦

炸蝦卷 / 三文魚壽司 / 吞拿魚壽司 / 海鹽赤海蝦壽司

其實我想食羅勒香草赤海蝦壽司   不過我剔錯咗海鹽   所以我最後都忍唔住要食番 2 件   

會員優惠   食滿 $150 就送 $16或以下嘅甜品   我揀日本芝士蛋糕   幾好味   不過件蛋糕就好硬同好凍   要灘一灘先食到呢 

( 11-JUL-2015  SAT )

真係好多時星期六起身前都會發惡夢   因為驚唔知醒起身番工 ~

平時里奧大人個鬧鐘係早我個鬧鐘 5 分鐘響嘅   佢嘅音樂係柔和 d 嘅   我嘅都係音樂聲   不過就大聲 d ~

咁發緊惡夢嘛   夢境係約咗里奧大人食晚飯   咁我搭錯巴士   落車之後變咗喺地鐵站入面   咁再搵出口啦   明明平時都係咁出   但無啦啦變咗唔同地方   搵咗兩次都搵唔到   咪一路勁喊囉   之後無啦啦鬧鐘響   真係嚇鬼死   好小會咁鬼驚   哈哈 ~

為咗媽咪嘅健康   今日開始禁食祈禱   為期 21 日   求神加力給我呢 ~   

本來將咗 8 卦去另一間食早餐   不過我視察環境之後覺得好焗好焗   所以唔去喇   去番食開果間   之後佢又話黎一齊食囉 ~

菇場唔忙   努力 load 相   睇番 d 相真係好開心   所以次次都 load 得好慢   哈 ~

1 點即走   番到屋企抖陣   就同里奧大人去舖頭   順便約埋姑奶食 lunch ~

我食南洋咖哩雞飯   d 咖哩汁超級鹹

里奧大人食叉燒炒河  

食完要拎嘢上姑奶屋企   之後就走喇   番到屋企都 4 點 lu ~

抖多陣又要去探媽咪喇   兜埋工人一齊去醫院   去到啱啱夠鐘探病 ~

咁問媽咪點啦   佢發哂脾氣話就死   好辛苦   要海葬喎   又叫我唔駛驚   佢都唔驚   之後我咪慶囉   我話我唔係驚囉   只係覺得妳好煩啫   但工人就真係好驚喇   眼濕濕   里奧大人叫我唔好出聲呀   咁樣即係中佢招 ~

好感恩今晚都見到姑娘   姑娘話媽咪 d 氧氣可以落到 4 度   其實係可以再落   不過媽咪始終仲係肺炎   所以唔咁急落住   之後姑娘都話媽咪隻腳腫係因為心臟唔好   唔關藥事   話其實腳腫小小已經係代表心臟有事   應該即入急症   再加上肺炎   所以令到呼吸更加唔暢順呢 ~ 

無耐家姐黎埋   媽咪又同家姐講話就死    要海葬   我同家姐同里奧大人全程無理佢架   自己係度傾計   因為媽咪自己攞黎衰   我最憎人係咁   大佬   頻頻樸樸探妳仲講呢 d   同埋氧氣由 6 變 4 已經係好咗   講呢 d 做咩啫   只會令人討厭   我真係唔會擔心囉   只會諗緊聽晚唔睇妳   係妳自己攞黎衰架咋 ~

8 點就喇   兜埋工人番屋企   我地就去元氣食壽司   因為我勁想食海蝦呢 ~

食完行陣就番屋企喇   沖埋涼抖陣就睇 " 人在囧途 "   笑中有淚好好睇呀   所以睇到 12 點幾先瞓呀 ~