嘉華大酒樓 @ 官塘 ( 2-JUL-2015 )

紅燒斑腩煲 

生炒上肉排

豉椒味菜鵝腸 - 初初以為無乜鵝腸添  

原來份量都唔小      

切雞 / 燒肉

瑤柱冬茸羹

( 2-JUL-2015  THU )

今日 off 到星期六喇   年紀大   去完旅行起碼要抖番一日先番得工   今次本來去足 8 天大陸團   不過諗諗下都係唔想去大陸   改去越南 5 天團   但都請咗假   咁就放埋去 lu ~

我 9 點起身喇   原來里奧大人 8 點已經醒咗 ~

佢話餓呀   要快 d 去食早餐   食完就番屋企沖涼抖下喇 ~

仲未咁識用部相機添   所以成日影到咁暗 @@

要去康泰拎番錢   唉   其實一早 plan 好去完越南就抖一日   再去大陸玩兩日   點知唔成團   打亂哂計劃   咁順便睇下有無 d 兩日團囉   就咁去中山兩日自由行都要 $800/人   我又覺得唔抵喎   跟團好平架咋   之後里奧大人話不如去曼谷   咁更係好啦   即打電話去問套票   但無哂位   咁算啦 ~

搭地鐵出旺角   去花園街買環保袋比家姐   因為平日無咁多人   好行好多   但天氣非常非常之焗熱   辛苦過喺越南    d 人成日話越南好熱好熱   依家去過   我覺得香港仲熱   哈哈 ~

買完都 1 點半   里奧大人話食得   咁好啦   我話食酸辣米線   酸酸辣辣先有胃口呢 ~    

我嘅豬潤酸辣米線 ( 小辣小米線 )

里奧大人嘅豬腩肉蘿蔔酸辣米線 ( 小小辣 ) - d 蘿蔔好甜呀   但 d 甜味好假啦   唔係清甜嘅   好似人地浸生果 d 糖水味咁 @@  

食完經過康年   里奧大人居然話食個酥皮蛋撻   勁 ~   

諗住喺報紙檔買貼紙   點知有個強國大叔問里奧大人點去百老滙   里奧大人話帶埋佢一齊行   反正我地去銀行中心   之後問佢想買咩   佢想買數碼相機   咁里奧大人介紹佢去永成   之後大叔都話去永成   唔去百老滙   哈哈   好感激佢咁信任里奧大人 ~

去埋銀行中心   睇哂所有旅行社   原來去大陸 package 最快都要兩日前 book   咁即係唔駛去 lu   反正我之前又買咗去大陸嘅保險   咁聽日照去大陸 hea 囉   最緊要里奧大人陪住我就得喇 ~

之後行旺中   我超鍾意睇袋   睇睇下里奧大人同我講   話妳家姐實鍾意   原來係八哥嘅袋   咁即買啦   哈   反而自己買唔到添 ~

之後再周圍行下   好感恩終於買咗 2 件中袖外套呢 ~   

買完就坐小巴番屋企喇   番到屋企都 5 點   放假 d 時間真係過得超勁快呢 ~

抖到 6 點就出門口去嘉華   家姐都係 7 點到   食完就一齊上媽咪屋企   分咗 d 手信比佢地   同埋要拎冬瓜水   家姐送咗件 tee 比我呀   勁鍾意呢   坐到差唔多 9 點就各自歸家 lu ~

$39 咋   家姐超勁鍾意呀   但我好鍾意佢寫嘅文字   Happy Life 真係好重要呢

$90 有 6 個   再送 1 個細環保袋   我要咗 1 大 1 細   其他比哂家姐    

沖埋涼   hea 到 12 點幾先瞓   聽日唔駛番工   放肆下先 ~