大快活 @ 九龍灣 ( 4-JUL-2015 )

( 4-JUL-2015  SAT )

今朝 仍然 off   所以瞓到 9 點半自然醒 ~   

去大家樂食早餐   差唔多食完嘅時候   媽咪打黎話黎飲茶   明明尋日話唔去飲嘛   點知又話飲   之得唔食早餐啦   哈 ~

11 點半落去稻香搵位先   媽咪 12 點都到   家姐要帶麥包打針   所以差唔多 1 點先到   飲到 2 點就走 lu ~

金粟花姿餅

香煎蝦米腸

雞蛋豬腳薑

五穀粗糧糕 - 我叫家姐一定要試下呀   佢都話好食呀   因為煙煙韌韌   哈   除咗辣   基本上我地口味係好相似   

陳皮牛肉腸

南瓜糯米糍

食完都 2 點喇   里奧大人帶埋媽咪上平台   我就番屋企擺低生果   之後就去深水埗喇   終於比我遇到 " 地鐵延綬 "   2 點 25 分喺九龍灣   但 3 點先去到深水埗   真係人都顛   如果番工咁搞法   真係好慘 ~   

周圍行下再去買 Iron Man    無啦啦有人捉住我   原來係 4 姑奶兩公婆   之後佢話我對手掌咁熱   以為我發燒   哈 ~  

里奧大人幾咁有心機影佢呀     

細細隻   係幾過癮嘅

牛肉燴意粉 - 我覺得個賣相係超級恐怖

之後里奧大人將兩粒蕃茄移位   話似 Transformer   

點影都係肉酸   哈

食埋嘢都 4 點幾   再去高登買 Adapter 套就搭地鐵去旺角   去信和中心買 Earphone   好感恩仍然係 $88   哈哈 ~     

買完就去嘉富商業中心拎旅行喼   所以要搭地鐵番屋企呢 ~

番到屋企都 5 點半   勁攰呀   真係放假忙過番工 ~~~~        

7 點去食嘢喇   勁想食咖哩   所以去大怏活   最緊要係唔想行咁遠 ~

唔好講笑   真係好鬼攰   講嘢都慢 9 拍   又講錯哂嘢   明明講冬瓜水   講咗西瓜水   里奧大人聽到西瓜水   笑到差 d 噴飯   哈   我都覺得搞笑   九唔搭八 ~~~~

里奧大人次次放假都好有胃口食嘢   又話要食雪糕   不過我真係食唔落   佢覺得好奇怪   話我咁為食   照道理乜都食喎   大佬   頭先食成碗飯呀   再食埋雪糕真係肥死啦 ~

番到屋企即沖涼   沖完涼真係最鬼舒服 ~

睇下電視   又 12 點先瞓 ~