碧綠炒球
蒜蓉蒜扇貝 - 唔掂啦 over cook
賽鎊蟹
燒鵝 ( 例 )
鐵鍋瑞士醬油雞 - 今次個色唔靚 好似倒完 d 瑞士汁無耐就拎上黎咁呢
芝士珍寶蝦球伊麵 - 個汁好鹹 @@
海皇白玉冬瓜盅 - 完全無味 又無料 得幾條蟹柳
( 14-JUL-2015 TUE )
今朝里奧大人 8 點半要跟車上大陸見客 所以 6 點半起身 咁可以番公司附近食早餐 唔駛咁趕 好在鬧鐘響咗之後 我都瞓得番 ~
我成日同里奧大人講 如果佢上大陸 我會有壓力 驚鬧鐘唔響 今朝我 7 點 55 分諗住出門口 點知里奧大人打黎 驚我唔知醒 仲話之前打過比我 不過無人聽 因為我沖緊涼嘛 ~
食完哂早餐 諗住睇報紙 8 卦又話黎 咁啱幫佢叫早餐嘅時候 原來阿爽都喺度 咁一齊坐啦 咁啱我果邊位好迫 同爽一齊坐 4 人枱就最好啦 ~
菇場唔忙 可以繼續做自己嘢 ~
咁 8 卦問我食咩 諗住食炒米粉同咖哩魚蛋 之後我又話想食榨菜 所以佢話一齊去買車仔麵 ~
食完超級勁勁飽 差唔多 4 點 見到 8 卦食個腸仔包 佢話唔想留過夜 我話食到先得架 我仲係超級飽囉 ~
里奧大人見完客就番公司 咁都好 今晚唔駛咁夜 ~
丫 放工即走 點知反而要等車 係咪咁邪先 ~
去到醫院都要 6 點 15 分喇 見到姑娘即問媽咪情況 今日氧氣降到 2 度 心臟又無咁快 所以唔駛打心臟藥水 肺片都無問題 只不過未咁快清到哂 所以都要住多幾日 叫我唔好擔心 嘩 真係好耐無聽姑娘叫我唔好擔心喇 不過都好體諒佢地 自己住過政府同私家醫院 政府醫院人手真係唔夠 真係講多句都唔得架 因為手頭上好多嘢做呢 ~
媽咪隔離個阿婆終於出院 咁就好喇 因為佢都 101 歲 其實唔知自己做咩 所以成日好大聲講嘢 係真係好大聲 媽咪無覺好瞓 不過我黎到醫院 媽咪又瞓 其實我想話 如果妳瞓 我就唔黎 無咩意思 但佢又真係眼瞓喎 唉 ~
家姐 7 點到喇 之後傾下計 7 點 45 分都一定要走喇 我約咗里奧大人屋企人食飯呢 ~
里奧大人嘅廣州大表姐 & 姐夫今日黎香港 諗住今晚走 但佢想探 2 姑奶 所以打比佢 約埋一齊食飯呢 ~
食下傾下 估唔到又好好傾喎 可以我實在太鍾意講嘢 最搞笑 同個表姐傾傾下計 無啦啦佢好怕羞咁同我講 話我好靚呀 皮膚好靚又成日笑 果下我比唔切反應 只話佢心地好啦 哈哈 ~
差唔多 10 點就走啦 送埋姑拉搭的士就番屋企喇 ~
沖埋涼 睇下電視 差唔多 12 點先瞓呀 ~
沒有留言:
發佈留言