是日行程 ~
頭頓特區 --> 胡志明市 --> 水果市場 --> 順化皇帝餐 ( 自費 ) --> 古董自由街 --> 自由活動 -->機場
時間過得超級勁快呀 今日要番香港喇 ~
7 點半 morning call 沖埋涼就落去食早餐喇 間房太凍 我部相機又擺正喺冷氣風位 所以鏡頭濛哂 我要出去曬下佢 一曬就曬咗 10 分鐘先無濛咋 ~
我地坐呢度
我鍾意坐高一級 關唔關個人矮事呢 ?! 哈哈
我真係好鍾意黃光 昏昏暗暗咁 真係黑眼圈都唔係咁覺呢
食完可以照下鏡 睇下咀角有無麵包碎留低 哈哈
配料
五顏六色 我以為係糖樽呀 咁樣放法又唔錯喎 好有"北"糖 feel 睇見都好開心咁呢 我自己覺得
因為我食鵝肝夾麵包 不過無哂麵包 所以我拎呢條出黎切 好有拔劍 feel 哈哈
果 jam 如果屋企有咁大樽果 jam 都唔知要幾耐先食得完
朱古力酥 ?!
對蛋糕真係無乜興趣
健康區
凍肉區
一大磚鵝肝 d 人又會切到咁得意嘅
芝士呀 但我食咗鵝肝 所以唔敢再食啦
一係勁暗 嘩哈哈哈
我覺得似腸粉
配料加醬汁
腸仔 / 煙肉
Mini Pancake
生果區
Crab Meat Soup
粥嘅配料 團友太太話越南 d 豉油係好黑嘅 ( 左下角 )
之後叫里奧大人自己拎 佢又會係大杯嘅 ?! 其實應該係話點解係 1 杯囉 因為我頭先果杯只係 2/3 杯咋
生牛肉 Pho 賓尼兔叫我地一定要食 仲要記得拎埋油炸鬼 咁我其實好耐之前睇旅遊節目 介紹越南 Pho 都係有埋油炸鬼 不過我就唔太鍾意油炸鬼浸湯 哈哈 所以比埋阿奧食呢
人生第一次早餐食鵝肝 不過都無味嘅 但賓尼兔買嘅法包 入面 d 鵝肝就好味道喇
真係好好飲 所以我忍唔住話要飲多幾杯 里奧大人嚇一嚇呀 哈哈 但其實所謂 3-4 杯 加埋 d 冰 都唔係好多之嘛 不過最後里奧大人提醒我 話一陣要坐 2 個幾鐘頭車 所以我唔敢再飲 lu 飲 2 杯算啦 哈哈
食完又周圍影下
尋晚有人坐佢個位影相 但其實佢個位真係好似佈景 哈哈
影個電話 都影咗成千張 嘩哈哈哈哈
有圖有真相
紮哂馬影咩呀 ?!?!
好在尋晚執好哂嘢 咁就唔駛咁緊張 哈哈 可以 hea 住影下相 ~
有全身鏡就最好啦 今日終於可以着 1 pc 裙同踢拖 勁涼爽呀
原來個柜都幾靚喎
最鍾意門嘅附近有貼牆嘅傢俱 我會放低鎖匙同電話 一出門口就記得拎呢 ( 希望 )
門隔離係衣柜 門同衣柜門係勁似樣
我鍾意浴室嘅窗 因為佢好唔似窗 哈哈
個 Logo 係一個電話 幾得意喎
吊扇係靚 但當我瞓覺嘅時候望到佢 會驚佢趺落黎囉
話咁快就 8 點 35 分喇
無嘢做就影下紙巾盒 酒店有張 list 寫住房間所有物品嘅價錢 呢個好似要幾百蚊港幣 紙巾盒後面有燈制同冷氣制 所以賓尼兔特別同我地講聲冷氣制位置 因為好小酒店嘅冷氣制係咁隱蔽呢 哈哈
沙糖嘅包裝紙好靚呀
咁暗 又飽 冷氣又夠勁 所以勁想瞓呀
話妳知 逃生出口
9 點 05 分 準備出發喇
再見喇 越南 ~~~~~~~~
Lobby 都靚架
男廁
其實我都想影女廁 因為都好靚 但有人喺度 所以我唔敢影囉
9 點 15 分集合 又要坐番兩個鐘頭車去胡志明市喇 ~
賓尼兔又開始講嘢喇 講開手汗 話水牛 poo poo 係治風濕同手汗 話插隻手落 d 牛 poo poo 度半個鍾頭 會散熱氣喎 至於黃牛 poo poo 佢地係食草嘛 所以將佢 d poo poo 用黎種嘢 所以越南嘅火龍果特別甜 佢衰啦 特登講火龍果 因為知我地食咗嘛 哈哈 ~
之後仲搞笑 同我地講話尋日政府宣佈 由 2015年10月1日起 外國人可以買越南樓房 哈哈 其實買越南樓真係平 只需要 USD100,000 就可以入場 之前佢講過越南人唔鍾意住 apartment 根本有屋無人賣 咁房地產仲得了 ?! 所以最後決定可以比外國人買囉 不過希望佢地唔好比人扯高哂 d 樓價啦下 ~
我地喺香港用手機傾電話真係好普遍 但喺越南係單方收費 即係打比妳果個比啦 咁好似賓尼兔做呢行 打出打入就比較多 所以佢地有共識 如果要喺某個地方集合 佢地 call 一次就代表已經到咗 但如果 call 第二次就要即刻聽架喇 因為地方可能改咗 無理由叫團友等呢 ~
我企喺馬路中間影嘅 因為成條馬路得兩架車 其中一架仲係我地坐嘅旅遊車
右邊嘅樹幹好得意
出胡志明市喇
沿路行條 Freeway 都見到好多大貨車 如果美拖嘅 Freeway 係可以去到馬來西亞 而頭頓嘅 Freeway 就可以去到菲律賓 都好喎 唔駛搭飛機 哈哈
我覺得電纜好靚
無啦啦有好多牛出沒
望住真係好舒服 所以坐呢程車係無瞓過覺
唔知里奧大人想影 d 咩呢 ?!
天與地 哈哈
古芝地道嘅屋呀 ~~~~
經過油站 藍藍藍
屋頂好特別呀
爛地
Freeway 超速罰約 HK$500 咁如果就咁睇相就罰 HK$100 我地坐旅遊車嘛 罰款一定係司機自己負責 所以應該唔會超速 哈哈 佢地司機們會互相提示有無影快相 揮手=有快相 隻手向下嘅動作=無快相 不過賓尼兔話有時見到前面嘅揮手 後面就隻手向下 都唔知即係有無影快相 哈哈
手套廣告好搞笑
一邊放耶穌 / 聖母像 一邊放觀音
第一晚都見過唔小呢 d 像放街邊呢
座 building 好靚呀
個屋頂好得意 如果可以參觀就好了
收費亭應該有冷氣啩
只知道係要 VND30,000
爛成咁 好危險啫
坐埋今日咋 有 d 唔捨得佢 哈
又見到呢個廣告牌
開始車來車往喇
海豚黎架
開始多埋電單車喇
車頭好得意
勁
好多儲水箱
10 點半去一個類似 market 嘅地方 有手信買 有好多生果食 不過我唔記得叫咩名 11 點又上車 lu ~
入去睇喇 ~~~~
呢檔係賣蟹嘅
擦緊 d 蟹
一大碗唔知咩來
好認真咁煎 Pancake
煎完喇 所以笑哂口 哈哈
阿女就幫手將 d pancake 密密入盒呢
幾檔都買呢 d pancake
VND30,000 有 10 個 即係 HK$12 / 10 pcs 喺香港黎港就超抵啦 但係越南就唔知抵唔抵喇
雪糕 我真係唔敢食 但上次喺超市 我想買雪柜入面 d 雪糕 但里奧大人話唔好買黎食 因為唔知擺咗幾耐喎
蒸包好似幾好味咁 因為我呢期好鍾意食蒸包
行去另一邊 都係無人坐
佢地切緊大樹菠蘿
買喇喂
大大塊真係好吸引
佢地好醒架 拎住一包同埋 d 錢 等妳知道幾錢一包 唔駛雞同鴨講
里奧大人試咗 d 肉乾 估唔到今次係佢試食 之後佢笑咪咪叫我又試食 我碌大對眼問佢係咪試咗呢 d ( 下面果包鹿肉 ) ?! 佢好開心話係呀 我話鹿肉黎架 佢話唔知呀 以為隻鹿係 Logo 不過我都覺得真係似 Logo 嘅 我食開零食都覺 何況佢呢 之後佢仲話同豬肉乾味道無咩分別 不過我點都唔會試食呢
生果區 好多黃皮 當堂覺得好酸呀
其實我好想買大樹菠蘿食架 不過我驚食完之後好脹胃 一陣食唔落嘢仲慘
d 人又好忙喇
山竹好味呀
好有心機疊
樣樣生果都疊到好似一個塔咁
來來去去都係買呢 d 肉乾
包裝有牛有鹿 但如果遮住咗就真係唔知係咩肉喇
我好鍾意 d 小朋友係咁嘅髮型架 唔知點解 佢皮膚又黑黑地 好有 ABC 味道 我好鍾意呢
好多大樹菠蘿呀 好想推冧佢地 嘩哈哈哈哈
滿滿一袋紅毛丹 都應該幾重
團友太太話有另一團團友趕住上車 將食剩半個嘅大樹菠蘿蜜比番 d 當地人食 但佢地唔要 比番檔主 檔主又唔要 所以團友太太叫佢比佢啦 原來半個都好多 我地幾個食咗幾粒都仲有剩 我覺得口感好得意 好似食緊榴槤咁
影埋最後呢張就上車 呢個女仔好可愛架 見我影完張相之後 就係咁對住我笑 我又唔知里奧大人去咗邊 唔係叫佢同我地影番張相留念呢
去埋廁所 因為要洗手呀 頭先食完 d 大機菠蘿蜜 隻手好立痴痴呢
男廁 Logo 係帶帽同食煙
女嘅又係帶帽 如果無英文字 夜媽媽睇錯 Logo 就慘 哈哈
呢日未完架
沒有留言:
發佈留言