Babymama: Part 1/2 城門水塘 + 金坊泰國美食 @ 荃灣 ( 17-OCT-2015 )

2015年10月17日星期六

Part 1/2 城門水塘 + 金坊泰國美食 @ 荃灣 ( 17-OCT-2015 )

( 17-OCT-2015 SAT )

今朝 8 點起身已經快快手刷牙沖涼出門口但原來得番 10 分鐘食早餐下次都係 7 點 45 分起身好 d 唔駛咁趕哈哈 ~

菇場忙下停下所以好快就放工呢 ~

今日去城門水塘行山我約咗里奧大人喺鑽石山地鐵站一齊入去荃灣其實我可以直接搭 van 仔去荃灣但我驚無車同塞車囉所以都係搭地鐵穩陣 d ~

着咗新波鞋不過對船襪成日"線" 落黎所以我後踭損哂好痛呀嗚嗚嗚嗚即刻叫里奧大人一陣帶對長小小嘅船襪比我換呢換咗之後就舒服好多同埋貼埋膠布無咁痛囉 ~

我同里奧大人講話不如約 mimi 兩公婆夜晚食飯佢話好呀所以即 whatsapp mimi 啦不過 mimi 話阿喂瞓緊覺所以等佢起身問咗先再覆我之後我話如果一齊食就要佢 book 位我驚趕唔切落黎無耐就收到 mi 話 book 咗 6 點飯堂見呢好開心呀同埋係即慶又成事喎所以更加開心呢 ~

2 點到荃灣即刻去食酸辣米線喇 ~

豬軟骨豬腩肉酸辣米線 ( 小辣 ) - 得 3 嚿仔豬軟骨我仲以為比漏咗依家 d 份量真係越黎越小唉

紫菜豬腩肉酸辣米線 ( 小辣 )

諗住搭 van 仔點知見到條人龍好長都係打的好 d 好感恩咁啱有人落車我地即跑去搭喇差唔多 3 點就到城門水塘放完水就即開始行喇 ~

好曬呀呀呀呀呀呀呀呀 ~~~~

無咩人搭 van 仔喎 我估 3 點呢個時候係無咩人落荃灣呢

行咗十幾級樓梯已經覺得好熱咁企定定開個背囊搵橡筋圈紮起頭髮啦但搵極都搵唔到所以諗住上到平路先再搵啦之後聽到樹上面有聲咁啱有個行山男人落黎嘅時候同我講話隻馬騮"猴"咗我好耐喇可能以為我拎嘢出黎食呀比佢咁講一講我連拎紙巾出黎都驚啦有聲嘛 ~

我其實覺得今日都幾熱咁呀定係頭先食完米線又跑去打的的士冷氣又唔夠凍呢下 ?!

見對鐵門開咗所以我地行咗入去睇下咩來 原來係城門水塘牌坊後面上次同頭先都見到有人喺度行架下次叫里奧大人企喺下面幫我影先哈哈

佢喺都要企上去影相 @@

今次用咗黃色背囊添希望馬騮唔好跟住我啦哈哈

最緊要有 d 樹遮蔭但又唔可以咁密喎唔係就會變咗無風呢

行山安全 18 式我個人認為太多式喇哈哈

3 點左右咋無諗過馬騮會咁早出動囉因為今日都算熱嘛

好熱呀所以好想浸下對腳哈哈

行咗 20 分鐘見有樹蔭嘅地方就抖下飲啖茶里奧大人無啦啦喺度噴茶仲以為有蚊原來係佢"續" 親之後我叫佢飲茶唔好向住我呀

影呀影其實因為要行條泥路嘅樓梯我要等里奧大人拖住我我先敢行所以佢成日話我乜都驚 ~.~

狗狗都好小心行呢

我影就係咁

里奧大人就影到好澎湃哈

我要快快行去陰 d 嘅地方

里奧大人成日話我鍾意攝鏡頭架但係佢叫我行先嘅咁我檸轉頭望佢佢又叫我睇路咁我點知你影佢地喎唔係我就會行開 d 避入鏡啦 @@

中間一點濛咗其實係一隻唔知咩來係會停喺到好耐之後一嘢就閃開勁似 UFO 咁架所以好難影到佢呀同埋好多隻我有 d 驚 @@

呢 d 扁扁地嘅樓梯超勁好行

平路我就行得快嘛之後聽到里奧大人話 "企喺度唔好郁" 原來係想自拍最搞笑我聽到個細路仔話 "有人話企喺度唔好郁" 哈哈 ~

呢度影相真係好正架

其實想影無人都好難架

日日望到咁就好 lu

行快 d 啦哈哈

好多一碌碌

行呀行上呀上我覺得上暗斜最攞命不過會自己安慰自己上埋去就會係落斜無咁辛苦我對自己講咗好多次囉嗚 ~

因為其實第二次黎所以都唔駛點影相同埋唔駛停低食嘢里奧大人講咗好多次唔好意思無拎到行山扙比我所以見我上斜就話幫我拎背囊但其實我背囊又唔重只不過係我唔慣上斜同埋我流哂汗先覺得辛苦啫 ~

無諗過會有流浪狗

馬騮 BB 細細隻好得意呀