仍然行啦 應該就黎望見家鄉架喇 ~
有人用搖控車拍片
里奧大人話呢度有好多怪石 都係果句 三分形象七分想像 唔想唔像越想越像啦
個心平靜哂
上到北眺亭喇
下面有人行緊
好孤單咁 。。。。。。
佢一個人行真係快好多 所以我唔想拖慢佢 因為有時我企喺度抖 佢又陪住我 我叫佢可以行快 d 先 不過佢又驚唔見咗我 咁大份 起碼 4 個人先"的"起到我啦 我錢又無 真係捉黎嘥米飯呀 哈哈
我就企定定等佢再影下相囉 右手邊係華威酒店
開始掛住佢喇 嘩哈哈哈哈
我企喺度望住個海好耐 好。舒。服。呀。。。。
真係唔想由底下行番上來囉 我上得多樓梯會膝頭哥痛架
差唔多去到盡頭喇噃
叫里奧大人影下有咩東西好睇 哈哈
就咁咋 ?!?!
沿路上番去亭 lu
有機會再黎多次先
我覺得好似好大風咁 哈哈
里奧大人番黎喇
好嘢 係因為呢 d 樓梯好行呀 哈
又番到黎呢度
已經 4 點 35 分 lu 見個天仲未黑 所以行埋去北帝廟睇下先
去長利公園方向
開始入黑咁呢
行下行下 都 miss 咗北帝廟添
里奧大人話呢隻蜘蛛已經死咗
經過呢 d 屋
落番地面喇 第一時間去廁所 哈哈
行到 5 點咋 又未餓 所以即去買梳乎蛋 之後再行去街市果邊 睇下有無嘢買 行行下見到雞屎滕呀 即買黎食 呵 ~
其實我真係幾鍾意去長洲 有得食有得行有得買
我按咗唔知咩制 原來係有唔同效果
望樹望雲望海 我實在太鍾意喇
唔知咩果實呢 ?!
無咩人行好舒服
亂 。。。。
日落喇
太多雲層 所以睇唔到鹹蛋黃 可惜可惜
所以要番隻蛋黃哥補數 哈哈
行去另一邊先
好多蝦乾
影唔到火紅嘅感覺添
阿勝 終於搵到你喇 你改番名喇 好在我認得你咋 哈哈
我當然要雞屎滕啦 我驚滯咋 唔係會食 2 pack 呢
呢邊好似無咁多船
好寧靜咁
好喇 6 點都去食嘢喇 諗住去番蘇波記 不過 full 哂 所以轉去恆樂 但冷氣房無位 咁坐出面啦 唔想再搵呀 ~
椒鹽鮮魷 - ok 啦 我鍾意食椒鹽嘢
豉椒炒蟶子 - 加辣 所以超勁辣 哈哈
蒜蒸扇貝 - 食埋 d 粉絲 個胃即刻頂住 有 d 抖唔到氣咁 超級辛苦 @@
蒜蓉炒菜心 - 其實我真係好鍾意食呢個炒菜 但好多時覺得佢唔抵囉 哈
呢間同蘇東記都好多人食呢
食完都差唔多 7 點 又周圍行下消化下先 諗住坐 8 點船 點知原來 7 點半有班船 之後就到 8 點半先有船 咁我地坐 7 點半船 lu 係坐大船 慢船都無所謂 里奧大人話坐豪華位 因為知我要嘆冷氣喎 ~
好小咁夜仲喺長洲
行快 d 睇下仲有無嘢買 呵
7 點 20 分入定去喇 估唔到可以上船 正呀 因為可以嘆冷氣
8 點半落船
8 點 20 分到碼頭 搭地鐵番屋企 如果有巴士到屋企附近就好啦 ~
影下摩天輪
今日好開心呀 所以又去食雪糕 番到屋企已經 9 點 45 分 要即開機洗衫喇 沖埋涼就抖喇 ~
睇下電視 打下機 又 12 點先瞓 lu ~
大蛋 ( $35 ) / 細蛋 ( $20 ) 好開心終於擁有佢喇 雖然佢地係。。。。
大蛋 ( $35 ) / 細蛋 ( $20 ) 好開心終於擁有佢喇 雖然佢地係。。。。 呵呵- 系0羊jie>>让你那么想拥有它阿？
回覆刪除我鍾意佢夠樣衰呀 哈哈 ~~~~~~
刪除