今朝瞓到 11 點自然醒呀 無諗過瞓到咁晏添 ~
即刻刷牙洗臉落樓食早餐喇 食完就番屋企沖涼 差唔多 12 點就出發去碼頭喇 ~
等咗好耐 619 呀 12 點 50 分先到東隧口 感恩等咗 10 分鐘就有 603 呢 ~
1 點 20 分就落車 愉景灣差唔多有船開 但我地想去長洲呀 所以開行 turbo 跑去長洲船果邊 真係人地唔知以為比狗追呢 真係好彩跑咋 因為 1 點 30 分開船呀 感恩感恩 ~
去到碼頭已經 1 點 25 分喇 所以好快開船
太陽正正曬住我 @@
好多鷹捉魚呀
2 點 17 分就到長洲喇 因為今朝晏咗起身 所以入到黎長洲嘅時候 應該同我平時星期六放工入到黎嘅時間差唔多 咁即係下次可以放工入長洲 正呀 ~
到長洲碼頭 lu
里奧大人為我預備嘅防曬裝備 因為有次我話曬完頭痛 佢就即刻擺定頭巾喺背囊 仲諗定點樣縛住先穩陣 實在太細心喇佢 將我變成一個大媽 哈哈
依家日長夜短 所以同里奧大人話要快 d 食嘢 我寧願多 d 時間周圍行好過呢 咁求其搵間餐廳食嘢 我話明要快嘛 點知 2 點半坐低 2 點 50 分先有得食 仲諗住呢 d 餐廳會好快添 可能我叫蒸餸 如果唔係會更加快 最衰係我 哈哈 ~
冬瓜薏米湯 里奧大人居然飲哂一碗 佢從來都唔飲呢 d 例湯架 但今次佢話要消暑 一陣就唔駛驚中暑 哈
土魷蒸肉餅 但 d 肉餅好林呀 口感好怪 好似 d 豬肉碎加咗好多水撈埋一齊咁 @@
其實因為呢間冷氣夠先入去 之前諗住去另一間 但見到有人撥扇 咁我入去啦 好鬼焗呀 所以即轉場
又唔太熱咁噃 可能因為未開始行 哈哈
@ 冰廠街 ~ 我地由呢度開始行喇 因為已經 3 點 15 分喇 所以要行快 d
@ 長貴路 ~ 行呀行 又唔係見好多人行喎 希望唔好行錯路啦
都有唔小人踩單車 速度仲幾快添架 所以我地行嘅時候都唔敢突然間煞停呢
阿婆開始用行山仗喇 哈
經過沙灘
無人游水呢
原來隻船係咁樣航行嘅
睇住佢對腳踩落水架 但佢係着住對波鞋噃 咪濕好唔舒服啫 @@
行去另一嚿石 睇見都危險
抖下先
爛船仔
突然間好多人 其中有 2 個大陸男人係踩單車上去
大船係慢 同埋坐嘅時間比快船多半個鐘 但就無咁拋囉
行到呢度都 3 點 35 分喇 我地係要去東灣仔呢
上斜呀 最驚
行咗 4 分鐘已經要抖喇 無鬼用呀呢 無計啦 肥嘛 又熱喎 唔抖真係直碌番落去架
繼續上斜 見佢地推住架單車上去 我當堂覺得自己唔算辛苦架喇
呢個唔記得係咩亭 只知道我地係行啱方向就得架喇 哈
左邊樓梯係去北眺亭
我初初離遠睇以為好多蟲呀 哈
見到人上斜 我都覺得辛苦
終於 3 點 50 分去到呢度
行樓梯上去喇
仍然繼續行
差唔多到喇啩
我同里奧大人比 "野人" 呢兩個字吸引住 哈哈
吹住風 望住海 真係好舒服好舒服
見到唔知咩石
諗起越南
見到喇 蜥蝪石
今日見到唔小鷹呢 講到好似個人名 "吳小英" 咁 哈哈
原來佢咬住條魚架 里奧大人影嘅時候都唔知呢 呵
沒有留言:
發佈留言