香草辣椒焗雞翼薯角 ( 16-OCT-2015 )

( 16-OCT-2015  FRI )

尋晚瞓覺嘅時候   里奧大人佢打喊露   佢打喊露係出聲架喎   即係柯柯柯柯柯咁呢   我打喊露就唔出聲嘅   咁尋晚佢打完之後   我又打喎   仲出埋聲添   之後佢笑我連打喊露都要二仔底死跟   但其實我真係好小會咁打出聲囉   但估唔到咁樣打喊露又幾爽喎   呵   佢話等同伸懶腰咁   要嗌出聲先正喎 @@

今朝佢 10 點要去灣仔見客   所以又陪我食早餐   之後佢話佢同事同佢講   話見佢手機咁多相   應該好鍾意影相   一定同老婆影好多相定啦   佢話係被迫同老婆影   之後佢話佢應該同同事講埋   話佢老婆勁肥勁醜勁大食   有咁衰講到咁衰   咁當佢見到我真人覺得唔係咁嘅   就會話 "嘩   妳老婆都唔係咁差啫"   痴痴地線   哈哈 ~

菇場唔忙   勁有 friday feel   可惜我聽日係要番工 ~

Lunch 唔餓   所以行去萬寧買嘢   會員有 9 折   同埋要幫家姐儲印花囉   好感恩我想買嘅嘢都做緊特價   即係折上折咁   勁開心呀 ~   

- 俄羅立英 100g ( $135.6/2盒)   /   美占檸檬熱 ($43.9/盒)  
- 凡士林護唇啫喱 (原價 $15.9/支   但買任何一樣嘢就可以用換購價 $9.9 換一支 )  
- 念慈菴積熱清 ($19.9/盒   無特別平   係我以為買多十幾蚊可以多一個印花   點知我計錯數       嗚   之得唔買啦   屋企有好多盒嘛 @@ )  

買完就同 8 卦去 759 買嘢   佢話要買餅番公司食   一早應該啦   自己食自己買   咪成日問人拎嘢食咁失禮啦 ~  

買燒賣粉果番菇場食   原來番到去都已經差唔多 1 點半   要快快食咯 ~   

口痕痕食粒酸糖   之後個胃勁唔舒服   想嘔想嘔咁   慘 ~

里奧大人去完會場   5 點半都番到屋企   叫我唔好煮飯   其實我唔係咁舒服   不過已經醃好雞翼   又想清埋 d 薯仔   所以我話煮呀 ~ 

是日懶餐 - 香草辣椒焗雞翼薯角

香草辣椒焗雞翼薯角 - 本來想整蠔油燜薯仔雞翼同埋蒸脆肉瓜   但唔煮飯又唔想食麵   所以就轉陣   唔煮脆肉瓜   同埋改為焗雞翼同薯角   我用光波爐焗薯角   點知焗咗 25 分鐘仲係生勾勾咁   咁唔對路啦   仲有雞翼未焗   一陣 9 點先食得就慘   所以我又拎番焗爐出黎焗啦   好彩無壞咋   哈哈   一嘢放哂入焗爐 30 分鐘就搞掂   因為我睇唔到焗爐入面嘛   所以成日用手機 flashlight 照田雞咁照   里奧大人奇怪點解我成日走入廚房   我話要睇下焗成點   同埋個焗爐出煙好鬼驚   所以昅實好 d 呢   之後拎出黎好開噴噴   同埋好好味呀   下次再整先 ~

食完洗埋嘢   諗住沖涼   點知 3 姑奶無帶屋企鎖匙   所以即刻飛的拎比佢 ~

之後行咗陣德福   番到屋企原來已經差唔多 10 點   要即沖涼喇 ~

無啦啦抖唔到氣咁   我估應該胃酸倒流   好在之後無咩嘢   我同里奧大人講話我唔死得住   因為我仲未食哂 d 零食   所以叫佢體諒我   我成日買咁多零食係有原因   係因為唔想比自己咁快死呀   哈 ~

驚里奧大人唔飽   所以頭先順便焗埋家姐買嘅香辣豬肉乾   咁可以一路睇電視一路食 ~

聽日要番工   所以都係 11 點半瞓覺呢 ~