咖哩薯仔雞膇 + 香酥抓餅 ( 12-OCT-2015 )

( 12-OCT-2015  MON )

尋晚瞓得真係唔多好   又去咗 2 次廁所   咁里奧大人半夜又問我駛唔駛開冷氣   咁我其實又唔係咁熱   有 d 凍添   所以我話唔駛開囉   不過佢瞓得唔好   唉   之得開鬼咗去啦   因為瞓到濛濛瀧瀧   諗唔起佢話得熱就係熱架喇   呢 d 真係邪   佢星期六晚先串串共同家姐講   話佢可以唔駛開冷氣架   係妳個妹要開架咋   嗱   所以講嘢要留有餘地呢   因為呢 d 邪嘢真係好多時會發生   我都試唔小   哈哈 ~   

今朝要飲凍奶茶   因為好多時飲完凍奶茶會精神好多   可以我要小甜同濃 d 啦 ~

做埋 report 可以 hea 過   咁當然上下網咁啦   之後對眼超級濛呀   慘   可能呢排又成日打機   因為之前唔打機   對眼唔濛架 ~

菇場好凍呀   所以 lunch 出去食粥   點知條街仲凍   好後悔無着外套呢 ~

食完又周圍行呀行   行咗 20 分鐘就番菇場 lu ~

仍然眼濛眼瞓等放工   一夠鐘即彈起身即走 ~

去 Taste 買麥茶同青瓜   咁我排隊比錢嘅時候   發覺張儲分卡唔見咗   勁驚呀   搵咗幾次都係唔見   所以比完錢再問番經理   睇下係咪我尋日碌完卡唔記得拎番   原來張卡真係無拎到呀   好在拎得番咋   但諗諗下   尋日個 cashier 拎完之後都無比番我囉   因為平時係嘟完張卡就即比番我家嘛 ~

$28/樽 ( 買二送一 )

$8.5 ( 特價 )   買比家姐食   因為個樣好似好吸引咁   

今晚整熱 d 咖哩就搞掂   我又勁攰   所以咩都唔願做   但又餓喎   所以食個蕃鬼荔枝先 ~ 

     
里奧大人 7 點 15 分放工   抖多陣就預備煮嘢喇 ~

是日懶餐 - 咖哩薯仔雞膇 + 香酥抓餅 

咖哩薯仔雞膇 - 尋日整定架喇   今晚驚唔夠餸   因為只係用咗 3 隻細雞膇   咁再加 d 魚蛋同雜丸啦   點知帶埋 lunch box   仲剩番隻半雞膇   之後唔淥完啦   咁今晚一次過食哂嘛   哈哈   不過頭先我食完個蕃鬼荔枝同飽飽地   所以都無咩點食 ~  

香酥抓餅 - 以為係以前食開嘅油酥餅添   原來唔係   仲要用油煎   太麻煩喇   所以煎 3 塊算喇   剩番 2 塊留番算喇   唔想再煎   好在唔煎咋   因為好油呀   我地每人食塊半都覺得好夠飽囉 ~

洗埋嘢   最後決定都係唔徑步喇   真係好攰囉   我沖完涼出黎   里奧大人喺梳化瞓着咗添呀 ~

食埋沙律   睇埋電視   11 點即瞓 ~